اب ذرا تَصَوُّر باندھیئے! * ہم صحابۂ کرام رَضِیَ اللہُ عنہم کو ایصالِ ثواب کرتے ہیں*اَوْلیائے کرام کو اِیصالِ ثواب کے نذرانے بھیجتے ہیں*حُضُور غوثِ پاک رَحمۃُ اللہِ عَلَیْہ کی گیارہویں کرتے ہیں*خواجہ حُضُور رَحمۃُ اللہِ عَلَیْہکی نیاز بنا کرلوگوں میں تقسیم کر کےاس کا ثواب انہیں پہنچاتے ہیں*اعلیٰ حضرت رَحمۃُ اللہِ عَلَیْہکی خِدْمت میں ثواب پیش کرتے ہیں، اس پر یہ بزرگ کتنے خوش ہوتے ہوں گے۔ اوریہ ہمار اِیْمان اور یقین ہے کہ جس سے *صحابۂ کرام*اَہْلِ بیتِ اطہار*اَوْلیائے کرام خُوش ہو جائیں،اِنْ شَآءَ اللہُ الْکَرِیْم!اس کے وارے ہی نیارے ہو جائیں گے۔

ڈوبے جہاز واپس مل گئے

ایک تاجِر تھا، جو بحری جہازوں کے ذریعے تجارت کیا کرتا تھا، ایک مرتبہ اس نے سامانِ تجارت سے لدے ہوئے کئی بحری جہاز تجارت کے لئے بھجوائے مگر خُدا کی کرنی ایسی ہوئی کہ وہ سب کے سب جہاز سمندر میں ڈُوب گئے۔ اس کے ملازمین نے اسے خط لکھ کر سب صُورتِ حال بتائی تو اس نے بڑے اطمینان اور یقین کے ساتھ جوابی خط لکھا، اس خط کا مضمون کیا تھا؟ کسی عاشِق نے اسے شعروں کی صُورت میں بیان کیا ہے، اس نے کہا:

ادا کرتے ہیں شَہ کی گیارہویں ہم                                               ہمیں اس بات کا مُطلق نہیں غم

اسی بحرِ کرامت کے کرم سے                                                            ہو بیڑا پار اس بَحر اَلَم سے

تعجب ہے ہمیں لکھتے ہیں یہ کیا                                                       مُزَکّٰی مال کیوں ہو غرق میرا

طفیلِ نُوح، بہرِ عزّت و جاہ                                                                       جہاز   اپنے   نہ   ڈوبے   ہوں   گے   واللہ^([1])