ہائے! حُسنِ عمل نہیں پلّے                                                                                 حَشر میں میرا ہو گا کیا یاربّ!

خوف دوزخ کا آہ! رحمت ہو                                                                         خاکِ     طیبہ     کا     واسطہ     یاربّ!^([1])

صَلُّوْا عَلَی الْحَبِیْب!                                               صَلَّی اللہُ عَلٰی مُحَمَّد

فرشتوں کی ایک سُنّت

پیارے اسلامی بھائیو! مسلمانوں کے حق میں بخشش کی دُعا کرنا بہت فضیلت والا عمل ہے، یہ سُنّتِ انبیا بھی ہے، سُنّتِ ملائکہ بھی ہے اور نیک لوگوں کا پیارا پیارا وَصْف بھی ہے۔ جی ہاں! قرآنِ کریم میں ارشاد ہوا:

اَلَّذِیْنَ یَحْمِلُوْنَ الْعَرْشَ وَ مَنْ حَوْلَهٗ یُسَبِّحُوْنَ بِحَمْدِ رَبِّهِمْ وَ یُؤْمِنُوْنَ بِهٖ وَ یَسْتَغْفِرُوْنَ لِلَّذِیْنَ اٰمَنُوْاۚ- (پارہ:24، المؤمن:7)

ترجمہ ٔکنزُالعِرفان:عرش اٹھانے والے اور اس کے ارد گرد موجود (فرشتے) اپنے ربّ کی تعریف کے ساتھ اس کی پاکی بیان کرتے ہیں اور اس پر ایمان رکھتے ہیں اور مسلمانوں کی بخشش مانگتے ہیں۔

سُبْحٰنَ اللہ!معلوم ہوا: فرشتے اور وہ بھی بہت فضیلت والے، عرشِ اعظم اُٹھانے والے فرشتے مسلمانوں کے حق میں مغفرت و بخشش کی دُعائیں کرتے ہیں۔

دُعائے مغفرت سُنّتِ انبیا ہے

اسی طرح اللہ پاک کے خلیل حضرت ابراہیم عَلَیْہِ السَّلام کی بڑی پیاری دُعا جو شاید ہم سب کو یاد ہو گی، قرآنِ کریم میں بھی ذِکْر ہوئی، آپ نے اپنے لئے، اپنے والدین کے لئے