DONATE NOW donation

Home Al-Quran Surah Az Zariyat Ayat 22 Translation Tafseer

رکوعاتہا 3
سورۃ ﳷ
اٰیاتہا 60

Tarteeb e Nuzool:(67) Tarteeb e Tilawat:(51) Mushtamil e Para:(26-27) Total Aayaat:(60)
Total Ruku:(3) Total Words:(393) Total Letters:(1521)
21-22

وَ فِیْۤ اَنْفُسِكُمْؕ-اَفَلَا تُبْصِرُوْنَ(۲۱)وَ فِی السَّمَآءِ رِزْقُكُمْ وَ مَا تُوْعَدُوْنَ(۲۲)
ترجمہ: کنزالعرفان
اور خود تمہاری ذاتوں میں ،تو کیا تم دیکھتے نہیں ؟ اور آسمان میں تمہارا رزق ہے اور وہ جس کا تم سے وعدہ کیا جاتا ہے۔


تفسیر: ‎صراط الجنان

{وَ فِیْۤ اَنْفُسِكُمْ: اور خود تمہاری ذاتوں  میں ۔} یعنی تمہاری پیدائش کے مراحل میں  ،تمہارے اَعضا کی بناوٹ اور ترتیب میں ،تمہارے جسم کے اندرونی نظام میں ،پیدائش کے بعد مرحلہ وارتمہارے حالات کے بدلنے میں ، تمہاری شکلوں  ، صورتوں  اور زبانوں  کے اختلاف میں ،تمہاری ذہنی اور جسمانی صلاحیتوں  کے مختلف ہونے میں  اور تمہارے ظاہر و باطن میں  اللہ تعالیٰ کی قدرت کے ایسے بے شمار عجائبات موجود ہیں  جن میں  غور کر کے تم اللہ تعالیٰ کی قدرت کے بارے میں  جان سکتے ہو اورجب وہ ان عجیب و غریب چیزوں  پر قدرت رکھتاہے تو اے کافرو!تمہیں  مارنے کے بعد دوبارہ زندہ کرنا اس کے لئے کیا مشکل ہے۔

{وَ فِی السَّمَآءِ رِزْقُكُمْ: اور آسمان میں  تمہارا رزق ہے۔} ارشاد فرمایا کہ آسمان میں  تمہارا رزق ہے کہ اسی طرف سے بارش نازل کرکے زمین کو پیداوار سے مالا مال کیا جاتا ہے اور آخرت کا وہ ثواب و عذاب بھی آسمان میں  لکھا ہوا ہے جس کا تم سے دنیا میں وعدہ کیا جاتا ہے۔( جلالین، الذّاریٰت، تحت الآیۃ: ۲۲، ص۴۳۳، ملخصاً)

Reading Option

Ayat

Translation

Tafseer

Fonts Setting

Download Surah

Related Links