۾ ڪندو هو ان جي لاءِ اهوئي لکو. پوءِ جيڪڏهن الله پاڪ ان کي شفا عطا فرمائيندو آهي ته ان جا (گناهه) ڌوپجي ويندا آهن ۽ هو پاڪ ٿي ويندو آهي ۽ جيڪڏهن کيس موت اچي وڃي ته ان جي مغفرت فرمائي ويندي آهي ۽ ان تي رحم ڪيو ويندو آهي. ^([1]) 

(4): مريض جا گناهه ائين ڇڻندا آهن جيئن سُڪَل وڻ جا پن ڇڻندا آهن. ^([2]) 

(5): الله پاڪ فرمائي ٿو: جڏهن مان پنهنجي ٻانهي جون اکيون کَسي وٺان ۽ پوءِ هو ان تي صبر ڪري ته مان کيس اکين جي بدلي  جنت عطا ڪندس. ^([3]) 

هڪ رات جي بخار جو ثواب

حديث پاڪ ۾ آهي: جيڪو هڪ رات بخار ۾ مبتلا ٿئي ۽ ان تي صبر ڪري ۽ الله پاڪ کان راضي رهي ته پنهنجي گناهن کان ائين نڪري ويندو آهي جهڙو ان ڏينهن هو جنهن ڏينهن سندس ماءُ کيس ڄڻيو هو. ^([4])

بخار محشر جي باهه کان بچائيندو

الله پاڪ جي محبوب صَلَّى اللهُ عَلَيْهِ وَاٰلِهٖ وَسَلَّم هڪ مريض جي عيادت فرمائي ته فرمايو: توکي بشارت هجي ڇو ته الله پاڪ فرمائي ٿو: بخار منهنجي باھ آهي تنهنڪري مان ان کي پنهنجي مومن ٻانهي تي دنيا ۾ مسلط ڪندو آهيان ته جيئن قيامت جي ڏينهن جي باھ جو حصو (يعني بدلو) ٿي وڃي. ^([5])

بخار کي بُرو  نه چئو

پيارا آقا صَلَّى اللهُ عَلَيْهِ وَاٰلِهٖ وَسَلَّم هڪ دفعي حضرت اُمِّ سائب رَضِیَ اللهُ عَنْہا وٽ تشريف