بيمار جي لاءِ تحفو

سرورِ عالم، نورِ مجسم صَلَّى اللهُ عَلَيْهِ وَاٰلِهٖ وَسَلَّم فرمايو: جڏهن ڪو شخص بيمار ٿيندو آهي ته الله پاڪ ان ڏانهن 2 فرشتا موڪليندو آهي ته وڃي ڏسو ته منهنجو ٻانهو ڇا چئي رهيو آهي؟ بيمار جيڪڏهن الله پاڪ جي حمد ۽ ثنا ڪندو آهي (مثلاً اَلْحَمْدُ للہ چوندو آهي) ته فرشتا الله پاڪ جي بارگاهه ۾ وڃي ان جو قول عرض ڪندا آهن ۽ الله پاڪ خوب ڄاڻيندو آهي. ارشادِ الٰهي ٿيندو آهي: جيڪڏهن مان هن شخص کي هن بيماري ۾ موت ڏنو ته ان کي جنت ۾ داخل ڪندس ۽ جيڪڏهن صحت عطا ڪئي ته ان کي پهريان کان به بهتر گوشت ۽ رت ڏيندس ۽ سندس گناهه معاف ڪري ڇڏيندس. ^([1])

بيماري  جي فضيلتن تي 5 حديثون

پيارا اسلامي ڀائرو! اچو مان اوهان کي بيماري جي فضائل تي مشتمل 5 حديثون ٻڌايون ٿو:

  (1): بيشڪ الله پاڪ پنهنجي ٻانهي کي بيماري ۾ مبتلا ڪندو رهندو آهي ايستائين جو ان جو هر گناهه مٽائي ڇڏيندو آهي. ^([2])

(2): جڏهن مومن بيمار ٿيندو آهي ته الله پاڪ ان کي گناهن کان ائين پاڪ ڪري ڇڏيندو آهي جيئن بَٺِي لوهه جي ڪَٽُ يعني زنگ کي صاف ڪري ڇڏيندي آهي. ^([3])

 (3): جڏهن الله پاڪ ڪنهن مسلمان کي جسماني تڪليف ۾ مبتلا ڪندو آهي ته فرشتن کي فرمائيندو آهي: جيڪو نيڪ عمل هي تندرستيءَ جي حالت