Book Name:Himmat Wale Rasool
اُس کی بخشش اِن کا صدقہ دیتا وہ ہے، دلاتے یہ ہیں
اِنَّاۤ اَعْطَیْنٰكَ الْكَوْثَرَ ساری کثرت پاتے یہ ہیں
تَو پیارے اسلامی بھائیو! یہ جو خالِی ہاتھ والا لفظ اعلیٰ حضرت رحمۃُ اللہ علیہ نے استعمال کیا، اس کو ذرا سمجھیں۔ پیارے مَحْبُوب صَلَّی اللہ عَلَیْہِ وَ آلِہٖ وَ سَلَّم نے یہ کیوں اِخْتیار فرمایا؟
اپنے طَور پر ہم ذرا غور کریں، ہمیں اگر کوئی لاکھ، دو لاکھ کی آفَر کرے تو کیا ہم یہ آفَر قبول کر لیں گے؟ بالکل کر لیں گے، ہنس کر کریں گے، جلدی جلدی قبول کریں گے۔ قربان جائیے! مِزاجِ مصطفےٰ کیسا نِرالا ہے...!! پیارے آقا، مکی مدنی مصطفےٰ صَلَّی اللہ عَلَیْہِ وَ آلِہٖ وَ سَلَّم کو اللہ پاک نے آفر دی۔ فرمایا: اے مَحْبُوب صَلَّی اللہ عَلَیْہِ وَ آلِہٖ وَ سَلَّم ! دُنیا بھی قبول کر لیجیے! آخرت میں سے آپ کا حصّہ بھی کم نہیں کیا جائے گا۔ عرض کیا: اے مالِکِ کریم! میں چاہتا ہوں کہ دُنیا میں ایک دِن بھوکا رہو ں تَو صبر کروں، ایک دِن کھاؤں تو تیرا شکر ادا کروں۔
سُبْحٰنَ اللہ! یہ شان مصطفےٰ صَلَّی اللہ عَلَیْہِ وَ آلِہٖ وَ سَلَّم ہے۔ اگر ہم مجموعی طَور پر ذِہنِیّت کی بات کریں تو افسوس کے ساتھ کہنا پڑتا ہے کہ آج کل ہماری ٹِپ ٹاپ والی سوچ بنتی جا رہی ہے۔ پیسہ، پیسہ اور پیسہ بَس یہی زندگی کی اِبتدا اور اِنتہا بن کر رہ گئی ہے۔ کاش! ہم پیارے آقا، مکی مدنی مصطفےٰ صَلَّی اللہ عَلَیْہِ وَ آلِہٖ وَ سَلَّم کی زندگی مبارَک کو اپنا آئیڈیل بنانے میں کامیاب ہو جائیں۔
یہ بات یاد رکھیے! فَقْر ؛محبّتِ رسول کی تاثِیر ہے۔ ہر چیز میں تاثِیر ہوتی ہے نا؛ *آگ جلاتی ہے، یہ اِس کی تاثِیر ہے *کھانا کھانے سے بُھوک مٹ جاتی ہے، یہ کھانے کی تاثیر