اللہ پاک نے صبر کا حکم دیا ہے

پیارے اسلامی بھائیو! ہمارے آقا و مولیٰ، مکی مدنی مصطفےٰ   صَلَّی  اللہ عَلَیْہِ وَ آلِہٖ وَ سَلَّم  کی طبیعتِ مبارَکہ میں سادگی تھی، آپ   صَلَّی  اللہ عَلَیْہِ وَ آلِہٖ وَ سَلَّم  نے اس دُنیا میں خُود اپنی رضا سے فَقْر اِخْتیار فرمایا *وہ جو دُعا فرماتے تو تھوڑا سا کھانا ہزاروں کو کھلا دیتے تھے^([1]) *دُودھ کے ایک پیالے سے 70 صحابہ کو سیر فرما دیتے تھے^([2])*جن کی مبارَک انگلیوں سے پانی کے چشمے جارِی ہوتے تو پانی ہزاروں کو کفایت کر جاتا تھا^([3]) *وہ مَحْبُوب   صَلَّی  اللہ عَلَیْہِ وَ آلِہٖ وَ سَلَّم  خُود یُوں زندگی بَسَر فرماتے کہ کئی کئی دِن فاقہ رہتا تھا ^([4]) *جن کے دَرْ کا صدقہ ہم سب کھا رہے ہیں، ساری دُنیا جن کے دَر سے پلتی تھی، پلتی ہے اور پلتی رہے گی، اُن مَحْبُوب   صَلَّی  اللہ عَلَیْہِ وَ آلِہٖ وَ سَلَّم  کا گھر مبارَک بالکل سادَہ تھا، کئی منزلیں نہیں تھیں، کئی مرلَوں اور کئی گزوں پر محیط نہیں تھا۔ غرض؛ آپ   صَلَّی  اللہ عَلَیْہِ وَ آلِہٖ وَ سَلَّم  نے بہت سادَہ زندگی اپنائی۔

مسلمانوں کی پیاری اَمِّی جان سیدہ عائشہ صِدِّیقہ  رَضِیَ  اللہ عنہا فرماتی ہیں: ایک دِن میں نے مَحْبُوب   صَلَّی  اللہ عَلَیْہِ وَ آلِہٖ وَ سَلَّم  کے چہرۂ پاک پر بُھوک کے آثار دیکھے تو مجھے رَونا آ گیا، میں نے تڑپ کر عرض کیا: یارسولَ  اللہ  صَلَّی  اللہ عَلَیْہِ وَ آلِہٖ وَ سَلَّم ! آپ اپنے رَبّ سے کھانا کیوں طلب نہیں فرماتے کہ وہ آپ کو کھلائے۔  فرمایا: اے عائشہ! خُدا کی قسم! اگر میں اپنے رَبّ سے سُوال کروں کہ پہاڑ سونے کے بن کر میرے ساتھ ساتھ چلا کریں تو میرا رَبّ