Book Name:Jannat Ki Zamaanat
کے تقاضوں (Requirements) کو پورا کرنے اور اسی مُبارَک کلمے کے ساتھ قبر میں اُترنے کی توفیق نصیب فرمائے۔ اٰمِیْن بِجَاہِ خَاتَمِ النَّبِیّٖنَ صَلَّی اللہ عَلَیْہِ وَ آلِہٖ وَسَلَّم۔
خدایا بُرے خاتِمے سے بچانا پڑھوں کلمہ جب نکلے دم یاالٰہی!
گناہوں سے بھر پور نامہ ہے میرا مجھے بخش دے کر کرم یاالٰہی!
تُلیں میرے اعمال میزاں پہ جس دم پڑے اِک بھی نیکی نہ کم یاالٰہی!([1])
صَلُّوْا عَلَی الْحَبِیْب! صَلَّی اللہ عَلٰی مُحَمَّد
خیر! خوشخبری سنانی ہے، کس کو؟ اَہْلِ ایمان کو، نیک لوگوں کو۔ اب وہ خوشخبری کیا ہے؟ کس چیز کی خوشخبری ہے؟ اللہ پاک نے فرمایا:
اَنَّ لَهُمْ جَنّٰتٍ تَجْرِیْ مِنْ تَحْتِهَا الْاَنْهٰرُؕ-كُلَّمَا رُزِقُوْا مِنْهَا مِنْ ثَمَرَةٍ رِّزْقًاۙ-قَالُوْا هٰذَا الَّذِیْ رُزِقْنَا مِنْ قَبْلُۙ-وَ اُتُوْا بِهٖ مُتَشَابِهًاؕ-وَ لَهُمْ فِیْهَاۤ اَزْوَاجٌ مُّطَهَّرَةٌۗۙ-وَّ هُمْ فِیْهَا خٰلِدُوْنَ(۲۵)
ترجمہ کنزُ العِرفان:کہ ان کے لئے ایسے باغات ہیں جن کے نیچے نہریں بہہ رہی ہیں۔ جب انہیں ان باغوں سے کوئی پھل کھانے کو دیا جائے گا تو کہیں گے، یہ تو وہی رزق ہےجو ہمیں پہلے دیا گیا تھا حالانکہ انہیں ملتا جلتا پھل(پہلے) دیا گیا تھا اور ان (جنتیوں) کے لئے ان باغوں میں پاکیزہ بیویاں ہوں گی اور وہ ان باغوں میں ہمیشہ رہیں گے۔
سُبْحٰنَ اللہ! یہ ہیں وہ عظیم نعمتیں جن کی اَہْلِ ایمان اور نیک لوگوں کو خوشخبری سُنائی