د ټولو نه بهتر دے؟ راځئ! په دې باره کښې يو څو مبارک حديثونه اورو، د دې حديثونو په رڼا کښې مونږ ته د خپل ځان جاج اخستل دي، که چرې مونږه د دې فرامينِ مصطفٰے صَلَّى اللهُ عَلَيْهِ وَاٰلِهٖ وَسَلَّم مطابق بهترين مسلمانان يو نو په دې باندې د الله پاک شُکر ادا کول دي او خدائے دې نه کړي که چرې داسې نه وي، مونږه بهترين نه يو نو مونږ ته د دې حديثونو خپلولو سره د بهترين جوړيدو کوشش کول دي۔ راځئ! مبارک حديثونه اورو:

(1): په نورو ډوډئ خوړل، د سلام جواب ورکول

سرکارِ نامدار، د مدينې تاجدار صَلَّى اللهُ عَلَيْهِ وَاٰلِهٖ وَسَلَّم اوفرمائيل: خِیَارُکُمْ مَنْ اَطْعَمَ الطَّعَامَ وَ رَدَّ السَّلَامَ يعنې په تاسو ټولو کښې بهتر هغه دے کوم چې ډوډئ اوخوروي او د سلام جواب ورکړي۔ ^([1])

    د دې حديثِ پاک نه معلومه شوه: چې کوم مسلمان په خلقو باندې ډوډئ خوري او د سلام جواب ورکوي، هغه د ټولو نه بهتر دے۔ اوس دې په مونږ کښې هر يو غور اوکړي چې آيا زه په خلقو باندې ډوډئ خورم؟ آيا زه د سلام جواب ورکووم؟ که چرې د دننه نه ضمير په آؤ کښې جواب درکړي نو د الله پاک شُکر ادا کړئ! او که چرې په نا کښې جواب راشي نو د نن نه د دې 2 کارونو خپلولو نيت اوکړئ! (1): په نورو ډوډئ خوړل دي (2): د سلام جواب ورکول دي۔

په نورو ډوډئ خوړل د جنتيانو والا عمل دے

الله پاک د سُورۀ دَهر په 8 نمبر آيت کښې د جنتيانو په صفتونو کښې يو صفت دا هم بيان کړو: