بے عيبه ښځه موندل ناممکنه خبره ده

د قرآنِ کريم مشهور مفسر، حکيم الاُمّت مفتي احمد يار خان نعيمي رَحْمَةُ اللهِ عَلَيْه د دې حديثِ پاک لاندې فرمائي: سُبْحٰنَ اللہ! څومره نفيس تعليم دے، مقصد دا دے چې بے عيبه ښځه ميلاؤيدل ناممکنه خبره ده، ځکه که چرې په ښځه کښې يو دوه بدئ هم وي نو هغه برداشت کوئ چې څو خوبيانې به هم بيامومئ۔ دلته (صاحب د) مِرقات اوفرمائيل چې کوم کَس د بے عيبه ملګري په لټون کښې وي هغه به په دنيا کښې يواځې پاتې شي، په مونږ کښې پخپله په زرګونو خامئ دي، د هر دوست عزيز بدئ معاف کوئ، په ښو باندې ئې نظر ساتئ، آؤ د اصلاح کوشش ئې کوئ، بے عيبه خو رسولُ الله صَلَّى اللهُ عَلَيْهِ وَاٰلِهٖ وَسَلَّم دے۔ ^([1])

(9): بهترين انسان هغه دے د چا د شر نه چې خلق بچ پاتې شي

رسولِ نذير، سِراجِ مُنير، محبوبِ رَبِّ قدير صَلَّى اللهُ عَلَيْهِ وَاٰلِهٖ وَسَلَّم اوفرمائيل: خِیَارُکُمْ مَن یُّؤْمَنُ شَرُّہُ، وَ یُرْجٰی خَیْرُہ يعنې په تاسو ټولو کښې بهترين انسان هغه دے د کوم د شر نه چې محفوظ پاتې شې او د هغه نه د خير طمع اوساتلے شي۔ ^([2])

حضرت علّامه عبد الرءُوف مناوي رَحْمَةُ اللهِ عَلَيْه د دې حديثِ پاک په شرح کښې فرمائي: کوم کَس چې د خير کارونه کوي تر دې پورې چې په خلقو کښې په دې بابله پيژندلے کيږي د هغه کَس نه د خير طمع ساتلے شي، د چا خيرونه چې زيات وي نو زړونه د هغه د شر نه محفوط وي، چې کله د انسان په زړه کښې ايمان مضبوط وي نو د هغه نه د