(7): بهترين  کَس هغه دے کوم چې قرض په ښه طريقې سره ادا کړي

سرکارِ عالي وقار، د مدينې تاجدار صَلَّى اللهُ عَلَيْهِ وَاٰلِهٖ وَسَلَّم اوفرمائيل: اِنَّ خِیَارَالنَّاسِ اَحْسَنُہُمْ قَضَاءً بهترين کَس هغه دے کوم چې قرض په ښه طريقه ادا کړي۔ ^([1])

د زړه په خوشحالئ سره قرض ادا کړئ

د قرآنِ کريم مشهور مفسر، حکيم الاُمّت مفتي احمد يار خان نعيمي رَحْمَةُ اللهِ عَلَيْه د دې حديثِ پاک لاندې فرمائي: د دې نه يو څو مسئلې معلومې شوې يو دا چې که چرې قرضدارے بغير د شرط لګولو د قرض نه څه زيات ورکړي مثلاً د کوټې سِکې په ځائے د صحيح روپئ په ذريعه واپسي زياته کړي يا شميره (مثلاً: د 30 روپو په بدل کښې 40 روپئ واپس کړي) [نو] دا سود نه دے۔ سود هغه دے کوم چې قولاً يا عادتاً مشروط وي۔ (مفتي صاحب نور ليکي:) دويم دا چې (قرضدارے) دې قرض ورکوونکي ته د زړه په خوشحالئ سره قرض ادا کړي۔ ^([2])

قرض په ښه نيت سره اخلئ

سرکارِ عالي وقار، د مدينې تاجدار صَلَّى اللهُ عَلَيْهِ وَاٰلِهٖ وَسَلَّم اوفرمائيل: څوک چې  د خلقو مال قرض واخلي د کوم د ادا کولو چې پخه اراده اوساتي نو الله پاک ئې د هغه نه ادا کړي او څوک چې د دې د بربادولو اراده اوکړي نو الله پاک په هغه باندې بربادي غورځوي۔ ^([3])