راهِب هغه ته اووئيل: آيا ته اورې؟ هغه اووئيل: آؤ! ولې نه۔ نو راهِب د هغه نه پوښتنه اوکړه: ما ته د بنيادم د هغه عادتونو په باره کښې اووايه کوم چې د هغه خلاف ستا مرسته کوي؟ شيطان اووئيل: هغه غصه ده، کله چې انسان په غصه کښې وي نو زه هغه داسې اُلټا پُلټا کړم لکه څنګه چې ماشوم د بال سره لوبې کوي۔ ^([1])

په غصه کښې ئې ګاډے مات کړو

په غصه کښې په کور کښې د وړو څيزونو ماتوونکو په باره کښې خو به تاسو اوريدلي وي خو د چين ملک يو کَس د خپل لکونو روپو د ګاډي د بيا بيا خرابيدو په وجه دومره تنګ شو چې هغه هم پخپله خپل قيمتي ګاډے تباه کړو۔ دا کَس د خپل 7 لاکهه ډالره قيمت لرونکي ګاډي نه هغه وخت بے زاره شو کله چې په هغه کښې راغلې خرابي د مکينک د بيا بيا کوششونو باوجود  هم لرې نه شوه نو هغه جذباتي کَس د خپلې غصه ويستو د پاره ځانګړې طريقه خپله کړه او د ځلمو يوې ډلې ته ئې څَټَکونه او لرګي ورکړل او  خپل قيمتي ګاډے ئې د خپلو سترګو د وړاندې ټوټې ټوټې کړو۔ ^([2])

د غصې ويستلو کلب

په دې دُنيا کښې د کم عقلو کمے نشته، د دې اندازه د دې خبرې نه اولګوئ چې د يو خبر مطابق په نيويارک امريکه کښې يو داسې د تباهئ کلب جوړ کړے شوے دے د کوم د غړي جوړيدو سره چې تاسو ګران او قيمتي څيزونه ماتولے شئ او خپله غصه په شاهانه انداز کښې ويستلے شئ۔ د دې ځانګړي سروس لاندې تاسو د خپلو ګرانو