Book Name:Behtar Kon
خوږو او محترمو اسلامي وروڼو! د دې آيت مبارک او د دې د شانِ نزول نه معلومه شوه چې د ښو، بدو، کاميابئ او ناکامئ، بهترئ او بدترئ معيار رنګ، ښائست، نسل او نسب او مال او دولت وغيره نه بلکې د دې معيار تقویٰ ده، دا اُصُول هميشه ياد ساتئ! حُسن او بد صورت عقلي نه بلکې شرعي دي، يعنې ښه څه دي؟ بد څه دي؟ دا مونږه په عقل سره نشو ټاکلے، د ښو او بدو معيار شريعت دے، چاته چې الله پاک او د هغه خوږ محبوب صَلَّى اللهُ عَلَيْهِ وَاٰلِهٖ وَسَلَّم ښه اوفرمائي، هغه ښه دے، چاته چې الله او د هغه رسول بد اووائي هغه يقيناً بد دے۔
نن سبا دلته د ښو او بدو معيار بدل شوے دے * انسان څومره ګټي؟ * څه کار کوي؟ * د هغه نسب څنګه دے؟ * څومره سبق ئې وئيلے دے؟ * انګلش څنګه وائي؟ * څنګه ګاډے ورسره دے؟ وغيره په داسې قِسمه څيزونو سره د انسان ښه او بد پيژندلے شي۔ حالانکه د ښو او بدو معيار دا څيزونه نه بلکې د ښو او بدو معيار د انسان کردار دے، زه ښه يم که بد يم، د دې فيصله به الله پاک او د هغه خوږ محبوب
صَلَّى اللهُ عَلَيْهِ وَاٰلِهٖ وَسَلَّم کوي، دې د پاره به ماته خپل ځان ته د شريعت په آئينه کښې کتل وي، د قرآن او حديث په رڼا کښې به د خپل کردار، خپل ګفتار، خپلو کړو وړو او اخلاقو جائزه اخستل وي۔
په مونږ کښې څوک ښه دے؟ څوک بهتر دے؟ د کائنات د ټولو نه بهترين، د ټولو نه د اوچتې مرتبې والا، د ټولو نه افضل او اعلیٰ يعنې زمونږه خوږ آقا، مکي مدني مصطفٰے صَلَّى اللهُ عَلَيْهِ وَاٰلِهٖ وَسَلَّم کوم چې د الله پاک هم محبوب دے، د هغوئي د نبوت په نظر کښې څوک