Book Name:Kamyab Tajir kay Ausaf
مٺا مٺا اسلامي ڀائرو! ڪامياب واپاري جا اوصاف ٻڌڻ سان گڏوگڏ حضرت سَيدُنازُبَير بن عوّام رَضِىَ اللهُ تَعَالٰی عَـنْهُ جو ذِڪرِ خير به جاري آهي، سرڪارِ عالم،نُورِمجسّم، شاه آدم و بني آدم صَلَّى اللهُ تَعَالٰى عَلَيْهِ وَاٰلِهٖ وَسَلَّم جو عشرهٔ مبشره ۾ڇهين صحابي حضرت سَيدُنا زُبَير بن عوّام رَضِىَ اللهُ تَعَالٰی عَـنْهُ کي
"فِدَاک اَبي وَاُمِّي" فرمائڻ جو ايمان افروز واقعو به ٻڌون ٿا؛
سرڪار جو ’’فِدَاڪَ اَبِي وَ اُمِّي‘‘ فرمائڻ:
حضرت عبدُ الله بن زُبير رَضِىَ اللهُ تَعَالٰی عَـنْهُ فرمائن ٿا ته غزوهءِ اَحزاب (8 شوال يا ذو القعدۃ الحرام 5ھ) جي موقعي تي مان ۽ حضرت عمر بن ابي سلمه
رَضِىَ اللهُ تَعَالٰی عَـنْهُ عورتن جي حفاظت تي مقرر هئاسين، اوچتو مون پنهنجي والدِ ماجد حضرت سيدُنا زُبَير بِن عَوَّام رَضِىَ اللهُ تَعَالٰی عَـنْهُ کي ٻه ٽي ڀيرا بنوقُرَيظه ڏانهن ايندي ويندي ڏٺو، واپسي تي مون ان جو سبب پڇيو ته پاڻ رَضِىَ اللهُ تَعَالٰی عَـنْهُ فرمايو: اي منهنجا پٽ! ڇا واقعي توهان مون کي ڏٺو هو؟ مون عرض ڪيو؛ جي ها! ته پاڻ رَضِىَ اللهُ تَعَالٰی عَـنْهُ ٻڌايو ته سرڪارِ مدينه صَلَّى اللهُ تَعَالٰى عَلَيْهِ وَاٰلِهٖ وَسَلَّم جن ارشاد فرمايو هو ته بني قريظه بابت خبرون ڪير کڻي ايندو؟ پوءِ اها خدمت مون سرانجام ڏني ۽ جڏهن واپس بارگاھ نبوت ۾ حاضر ٿيس ته پاڻ
صَلَّى اللهُ تَعَالٰى عَلَيْهِ وَاٰلِهٖ وَسَلَّم منهنجي لاءِ پنهنجي والدين ڪريمين کي گڏ ڪندي ارشاد فرمايا: فِدَاکَ اَبي وَ اُمِّي۔ يعني اي زُبير توهان تي منهنجا ماءُ پيءُ قُربان۔
)صحيح البخاري،کتاب فضائل اصحاب النبي،مناقب الزبير بن العوَّام، الحديث:۳۷۲۰، ج۲، ص۵۳۹(
تم کو تو غُلاموں سے ہے کچھ ایسی مَحَبَّت ہے ترکِ ادب ورنہ کہیں ہم پہ فِدا ہو
(ذوقِ نعت، ص ۱۴۷)
صَــلُّـوْا عَـلَـی الْـحَبِيْـب! صَـلَّـی اللهُ تَعالٰـی عَلـٰی مُـحَـمَّد