مدنی خبریں

عالمی مدنی مرکز فیضانِ مدینہ کراچی میں ہونے والے مدنی کام

٭اس سال حج کی سعادت پانے والے عاشقانِ رسول کے اعزاز میں 15 ستمبر 2019ء کو محفلِ نعت بسلسلہ”استقبالِ حجاجِ کرام“ کا انعقاد کیا گیا۔ محفل کا آغاز تلاوتِ قراٰنِ پاک سے ہوا جس کے بعد آقائے دو جہاں صلَّی اللہ علیہ واٰلہٖ وسلَّم کی بارگاہ میں ہدیۂ نعت پیش کیا گیا،محفلِ نعت میں امیرِ اَہلِ سنّت دَامَتْ بَرَکَاتُہُمُ الْعَالِیَہ، دعوتِ اسلامی کی مرکزی مجلسِ شوریٰ کے نگران، اراکینِ شوریٰ ، مبلغینِ دعوتِ اسلامی اور مختلف نعت خوانوں سمیت 1500 سے زائد اسلامی بھائیوں نے شرکت کی ٭16، 17، 18 ستمبر 2019ء کو نگرانِ شوریٰ مولانا محمد عمران عطّاری کی زیرِ صدارت دعوتِ اسلامی کی مرکزی مجلسِ شوریٰ کا تین دن کامدنی مشورہ(اجلاس) ہوا جس میں مختلف نکات پر غور کیا گیا۔ مدنی مشورے میں دعوتِ اسلامی کے موجودہ کاموں کی صورتِ حال کا جائزہ لیا گیا اور آئندہ کے اہداف بھی طے کئے گئے۔مدنی مشورے کے دوسرے دن امیر اہلِ سنت دَامَتْ بَرَکَاتُہُمُ الْعَالِیَہ نے خصوصی شرکت کی اور اراکینِ شوریٰ کو اپنے مدنی پھولوں سے نوازا ٭9، 10، 11 ستمبر 2019ء کو مجلس تحفظِ اوراقِ مقدسہ کے ذمّہ داران کاتین دن کاسنتوں بھرا اجتماع منعقد ہوا۔ اجتماعِ پاک میں ملک بھر سے مجلس تحفظِ اوراقِ مقدسہ کے کم و بیش 4650 ذمّہ داران نے شرکت کی۔ ٭مجلس مدرسۃ المدینہ بالغان اور مجلس مدنی بستہ کے ذمّہ داران کاتین دن کا سنّتوں بھرا تربیتی اجتماع ہوا جس میں کشمیر، اسلام آباد، راولپنڈی، سوات، پشاور، ہزارہ، سیالکوٹ، گجرات، گوجرانوالہ، لاہور، فیصل آباد، پاکپتن، اوکاڑہ، سرگودھا، لیّہ، ڈیرہ اسماعیل خان، ملتان، بہاولپور، بہاولنگر، سمّہ سٹّہ، خان پور، رحیم یار خان، سکھر، حیدرآباد، ڈیرہ اللہ یار اور گوادر سمیت پاکستان بھر سے سیکڑوں عاشقانِ رسول شریک ہوئے۔ مجلس تحفظِ اوراقِ مقدسہ، مجلس مدرسۃ المدینہ بالغان اور مجلس مدنی بستہ کے ان اجتماعات میں امیرِ اہلِ سنت دَامَتْ بَرَکَاتُہُمُ الْعَالِیَہ نے مدنی مذاکروں، جانشینِ امیرِ اہلِ سنت مولانا عبید رضا عطّاری مدنی مُدَّظِلُّہُ الْعَالِی، اراکینِ شوریٰ اور دیگر مبلغینِ دعوتِ اسلامی نے سنتوں بھرے بیانات کے ذریعے شُرَکا کی تربیت کی۔ علاوہ ازیں 31،30اگست اوریکم ستمبر 2019ء کو مجلس ازدیادِ حبّ، 3،2اور 4ستمبر 2019ءکو مجلس رابطہ برائے شوبز کے تحت بھی تین دن کے اجتماعات منعقد ہوئے ٭نگرانِ شوریٰ مولانا محمد عمران عطّاری کی زیرِ صدارت مجلس ماہنامہ فیضانِ مدینہ کے ذمّہ داران کامدنی مشورہ(اجلاس) ہوا۔ جس میں ماہنامہ فیضانِ مدینہ کے متعلق اہم امور پر بات چیت کی گئی۔ رکن ِشوریٰ حاجی ابو ماجد محمد شاہد عطّاری مدنی بھی اس میں موجود تھے۔ ٭عالمی مدنی مرکز فیضانِ مدینہ کراچی میں قائم درجہ دورۂ حدیث شریف میں 7 ستمبر 2019ء کو ”ختمِ نبوّت ڈے“کی مناسبت سے سنّتوں بھرا اجتماع ہوا جس میں استاذُ الحدیث مولانا محمد حسان عطّاری مدنی مُدَّظِلُّہُ الْعَالِی نے ”عقیدہ ختمِ نبوت“ کے عنوان پر سنّتوں بھرا بیان کیا۔ یہ سنتوں بھرا اجتماع دنیا بھر کے جامعاتُ المدینہ کے اساتذہ و طلبہ اور ناظرین کے لئے مدنی چینل پر براہِ راست ٹیلی کاسٹ کیا گیا۔ ٭مجلس مدرسۃُ المدینہ کے تحت مدنی مشورہ (اجلاس) ہواجس میں مدارس المدینہ کے ناظمین، معاون ناظمین، مفتِّشین، کابینہ ناظمین، زون ناظمین، کل وقتی، جُزوقتی، کورسز، مجلس مدرسۃُ المدینہ للبنات کراچی ریجن کی مجلس کے اراکین اورذمّہ داران نے شرکت کی۔ اراکینِ شوریٰ حاجی محمد امین عطّاری اورقاری محمدسلیم عطّاری نے ذمّہ داران کی کارکردگی کاجائزہ لیا اور شُرَکا کی تربیت فرمائی۔ ٭مجلس جامعۃُ المدینہ کے تحت جامعۃالمدینہ فیضانِ مدینہ کراچی کے درجہ دورۂ حدیث شریف میں اساتذہ و ناظمین کا سنتوں بھرا اجتماع ہوا جس میں کراچی میں قائم 64 جامعات المدینہ کے اساتذہ ٔکرام اور ناظمین نے شرکت کی۔ کراچی ریجن کے ذمّہ داراسلامی بھائی نے شرکا کی تربیت اور اہم معاملات پر تبادلہ خیال کیا اور شرکا کی جانب سے پوچھے گئے سوالات کے جوابات بھی دئیے۔

مدنی مرکز فیضانِ مدینہ فیصل آباد میں ہونے والے مدنی کام

٭دعوتِ اسلامی کے تحت تین دن ”12 مدنی کام کورس“ کا انعقاد ہوا جس میں جامعۃُ المدینہ کے اساتذہ ٔکرام اور ناظمین نے شرکت کی۔ نگرانِ پاکستان انتظامی کابینہ حاجی محمد شاہد عطّاری نے شُرَکا کو دعوتِ اسلامی کے 12 مدنی کاموں میں عملی طور پر شامل ہونے کے متعلق خوب ذہن سازی کی۔ ٭مجلس رابطہ برائے تاجران کے تحت مدنی مرکزفیضانِ مدینہ فیصل آباد میں سنّتوں بھرا اجتماع ہوا جس میں جامعۃ المدینہ کے طلبہ و اساتذہ ٔکرام اور دیگر ذمّہ داران نے شرکت کی۔ رکنِ شوریٰ مولانا حاجی عبدالحبیب عطّاری نے بیان کیا۔٭مجلس اعتکاف کے تحت مدنی مرکز فیضانِ مدینہ فیصل آباد میں اجلاس ہوا جس میں مختلف شعبہ جات کے نگرانِ مجالس نے شرکت کی۔ نگرانِ پاکستان انتظامی کابینہ حاجی محمد شاہد عطّاری نے شرکا کی تربیت کی اور 1440ھ میں دعوتِ اسلامی کے تحت ہونے والے اعتکاف کی کارکردگی کا جائزہ لیا جبکہ 1441ھ کے لئےاعتکاف کے اہداف طےکئے۔٭مجلس جامعۃ المدینہ کے تحت مرکزی جامعۃ المدینہ فیصل آباد کے درجہ دورۂ حدیث شریف میں تربیت کا سلسلہ ہوا جس میں طلبۂ کرام نے شرکت کی۔ رکنِ شوریٰ حاجی محمد اسد عطّاری مدنی نے آدابِ گفتگو اور علم ِدین کے مقاصد پر سنّتوں بھرا بیان کیا۔

16بزگانِ دین کے اعراس پرمجلس مزارات اولیاء کے مدنی کام

مجلس مزراتِ اولیاء کےذمّہ داران نے ذوالحجۃ الحرام1440ھ میں16 بزرگانِ دین کے سالانہ اعراس میں شرکت کی، چندنام یہ ہیں: ٭تاجدار کراچی حضرتسیدعبد اللہ شاہ غازی (کلفٹن کراچی) ٭حضرت سیدنا سخی منگھو پیرسلطان حافظ حسن چشتی ( منگھو پیر کراچی) ٭حضرت سیدنا بابا قاسم شاہ بخاری (جزیرہ بابا بٹ کراچی) ٭حضرت سیدنا مصری شاہ غازی (خیابان بخاری فیز 6 ڈی ایچ اے کراچی) ٭حضرت بابا بلھے شاہ سید عبد اللہ بخاری ( قصور) ٭حضرت پیر سید محمد مظہر قیوم شاہ (بھکھی شریف منڈی بہاؤالدین) ٭حضرت میاں غلام رسول چشتی صابری دربار عالیہ (ستیانہ روڈ جڑانوالہ فیصل آباد) ٭صاحب سیفُ الملوک حضرت میاں محمد بخش (کھڑی شریف کشمیر)۔ مجلس کے تحت مزارات پر قراٰن خوانیوں کا سلسلہ ہوا جن میں کم و بیش 1700عاشقان رسول اور بچے شریک ہوئے، 35مدنی قافلوں کی آمد کا سلسلہ رہا جن میں300عاشقانِ رسول شریک تھے، محافلِ نعت بھی منعقد کی گئیں جن میں2500اسلامی بھائیوں نے شرکت کی۔ اس کے علاوہ مزارات کے اطراف میں 49مدنی حلقوں، 37مدنی دوروں، 160 چوک درسوں اور سینکڑوں زائرین پر انفرادی کوشش کے ذریعے نماز اورسنتوں پر عمل کی دعوت کا سلسلہ رہا۔

مجلسِ معاونت برائے اسلامی بہنیں اس مجلس کے تحت ذوالحجۃ الحرام 1440ھ میں پاکستان بھر میں تقریباً 186 مَحَارِم اجتماعات ہوئے جن میں کم و بیش 389 اسلامی بھائیوں نے شرکت کی، مدنی انعامات کے492 رسائل تقسیم کئے گئے اور مبلغینِ دعوتِ اسلامی کی انفرادی کوشش سے تین دن کے لئے تقریباً 522اسلامی بھائیوں نے تین دن کےمدنی قافلوں میں سفر کی سعادت حاصل کی۔

Share

مدنی خبریں

شیخ ِ طریقت، امیرِ اہلِ سنّت دَامَتْ بَرَکَاتُہُمُ الْعَالِیَہ نے ذُو الحِجّۃ الحرام 1440ھ میں درج ذیل مَدَنی رسائل پڑھنے/سُننےکی ترغیب دِلائی اور پڑھنے/سُننے والوں کو دُعاؤں سے نوازا: (1)یااللہ !جوکوئی رِسالہ اَولاد کے حُقوقکے31صَفحات پڑھ یا سُن لےاس کو اولاد کے صدمے سے بچا۔اٰمِیْن بِجَاہِ النَّبِیِّ الْاَمِیْن صلَّی اللہ علیہ واٰلہٖ وسلَّم۔ کارکردگی:تقریباً 6لاکھ 63ہزار 955 اسلامی بھائیوں اور اسلامی بہنوں نے اس رسالے کا مُطالَعہ کیا(اسلامی بھائی:3لاکھ 84ہزار 672/اسلامی بہنیں:2لاکھ 79ہزار 283)۔ (2)یاربَّ الْمصطَفےٰ! جو کوئی رِسالہسارے گھر والے نیک کیسے بنیںکے37صَفحات پڑھ یا سُن لے اُس کو اپنی مَحبَّت اور اپنے خوف میں رونے والی آنکھیں عطا فرما۔اٰمِیْن بِجَاہِ النَّبِیِّ الْاَمِیْن صلَّی اللہ علیہ واٰلہٖ وسلَّم۔ کارکردگی: تقریباً9لاکھ 15ہزار 529 اسلامی بھائیوں اور اسلامی بہنوں نے اس رِسالے کا مطالعہ کیا (اسلامی بھائی:5لاکھ 63ہزار 537/اسلامی بہنیں:3لاکھ51ہزار 992)۔(3)یا ربِّ کریم! جوکوئی رِسالہپُل صِراط کی دَہشتکے 35صَفحات پڑھ یا سُن لے وہ تیرے فَضل وکرم سے بجلی کی سی تیزی سے پُل صِراط پار کرنے میں کامیاب ہو۔اٰمِیْن بِجَاہِ النَّبِیِّ الْاَمِیْن صلَّی اللہ علیہ واٰلہٖ وسلَّم۔ کارکردگی:تقریباً10لاکھ 18ہزار 520اسلامی بھائیوں اور اسلامی بہنوں نے اس رِسالے کا مطالعہ کیا(اسلامی بھائی:6لاکھ 21ہزار 486/اسلامی بہنیں:3لاکھ 97ہزار 34)۔ (4)یاربَّ الْمصطَفےٰ! جو کوئی رِسالہتذکرۂ صَدرُ الْاََفاضِلکے 25صَفحات پڑھ یا سُن لے اُس پر قبر و آخِرت کی منزلیں آسان فرما۔اٰمِیْن بِجَاہِ النَّبِیِّ الْاَمِیْن صلَّی اللہ علیہ واٰلہٖ وسلَّم۔ کارکردگی: تقریباً9لاکھ 82 ہزار 417 اسلامی بھائیوں اور اسلامی بہنوں نے اس رسالے کا مطالعہ کیا(اسلامی بھائی:5لاکھ 18ہزار 336/اسلامی بہنیں:4لاکھ 64ہزار 81)۔

Share

مدنی خبریں

علمائے کرام سے ملاقاتیں

دعوتِ اسلامی کی مجلس رابطہ بالعُلماء کے ذِمّہ داران نے ماہِ اگست 2019ء میں کم و بیش 2300 عُلَما و مشائخ اور ائمہ و خطبا سے ملاقاتیں کیں۔ چند کے نام یہ ہیں: پاکستان: ٭استاذالعلمامفتی محمدابراہیم قادری (مہتمم جامعہ غوثیہ سکھر) ٭شیخُ الحدیث مفتی محمد محب اللہ نوری (جامعہ حنفیہ فریدیہ بصیرپور) ٭مولاناپیر اجمل رضا قادری (بانی تحریک اصلاح ِمعاشرہ گوجرانوالہ) ٭محامدالعلمامفتی احمد میاں برکاتی (مہتمم دارُالعلوم احسنُ البرکات حیدرآباد) ٭مولانا عبدالعلیم جان سرہندی خلیلی (مہتمم دارُالعُلوم مجددیہ خلیلیہ عمر کوٹ) ٭مولانا عبدالغفور غفاری (مُدرّس مدرسہ فیضُ العُلوم بھان سعیدآباد سندھ) ٭مفتی فداحسین (مدرس جامعہ ضیاءُ العُلوم عربیہ اوستہ محمد بلوچستان) ٭مصنف کتب کثیرہ مولانا غلام حسن قادری (مدرس مدرسہ حزبُ الاحناف لاہور) ٭مولانا غلام مصطفیٰ مجددی (خطیب جامع مسجد حیاتُ النبی نارووال) ٭پیر سیّد شاہد حسین قادری (آستانہ عالیہ چندووال ضلع نارووال) ٭مفتی محمد حامد فریدی اور مفتی محمد امجد فریدی (مدرس جامعہ صدیقیہ فریدیہ بصیرپور) ٭مفتی محمد عبدُالقدیر قادری (سینئر مدرس جامعہ رضویہ مظہرُالاسلام گلستان محدث اعظم پاکستان فیصل آباد) ٭مولانا مفتی ضیاءُ الرّحمٰن (مہتمم جامعہ انوارُالقرآن حنفیہ غوثیہ اسکندر آباد ضلع میانوالی) ٭صاحبزادہ مولانا اخترُ القادری ( امام و خطیب جامع مسجد چشتیہ صابریاں عارف والا)۔ ہند:٭مفتی محمد ہاشم نعیمی ( استاذ جامعہ نعیمیہ مراد آباد اتر پردیش) ٭مفتی ولی الدین رضوی (صدر مدرس مدرسہ تمیزیہ اہلسنّت آسام)٭مفتی محمد قیصر مصباحی (کلکتہ بنگال) ٭شہزادۂ غازیِ ملّت ہاشمی میاں مولانا سید نورانی میاں اشرفی جیلانی (کچھوچھہ شریف)۔

علمائے کرام کی مدنی مراکز آمد

٭مفتی نعیم اختر قادری (مہتمم جامعہ حبیبیہ رضویہ کامونکی)نے فیضانِ مدینہ گوجرانوالہ ٭پروفیسر حافظ عطاءُ الرّحمٰن رضوی (پروفیسر دیال سنگ کالج لاہور)نے فیضانِ مدینہ جوہر ٹاؤن لاہور٭رینالہ خوردکے علمائے کرام مفتی محمد عمر فاروقی اور مولانا قاری امین نقشبندی نے فیضانِ مدینہ اوکاڑہ اور مفتی محمد اکبر ہزاروی نے مدنی مرکز فیضانِ مدینہ دارُالسّلام تنزانیہ کا وزٹ کیا۔ مجلس رابطہ کے ذِمّہ داران نے ان عُلَما کو دعوتِ اسلامی اوراس کے شعبہ جات کا تعارف کروایا جس پر عُلَمائے کرام نے دعوتِ اسلامی کی دینی خدمات کو سراہا۔ علاوہ ازیں عاشقانِ رسول کے جامعات سے تقریباً 3500 طلبۂ کرام دعوتِ اسلامی کے ہفتہ وار سنّتوں بھرے اجتماعات اور مَدَنی مُذاکروں میں شریک ہوئے۔

شخصیات سے ملاقاتیں

دعوتِ اسلامی کی مجلس رابطہ کے ذِمّہ داران نے ماہِ اگست 2019ء میں کم و بیش 300 سیاسی و سماجی شخصیات سے ملاقاتیں کیں، جن میں سے چند کے نام یہ ہیں: کراچی: ٭وسیم اختر (میئر کراچی) ٭شفیق احمد (سیکٹر کمانڈر برگیڈیئر) ٭کرنل فاروق احمد (ونگ کمانڈر)۔ راولپنڈی واسلام آباد زون:٭بیرسٹر چوہدری دانیال ٭غلام سرور خان (وفاقی وزیر برائے ہوابازی(۔ لاہور:٭چودھری سرور )گورنر پنجاب( ٭مجیبُ الرّحمٰن شامی )سینئر صحافی و تجزیہ کار(۔ ملتان زون:٭ڈاکٹر اختر ملک (صوبائی وزیر توانائی) ٭اقبال لاشاری (ڈی ایس پی ہیڈکواٹر) ٭سرفراز (ڈائیریکٹر اینٹی کرپشن) ٭شبریز گجر (ڈی ایس پی) ٭خالد (ڈی ایس پی)۔ بہالپور زون:٭کلیم یوسف (اسسٹنٹ کمشنر لودھراں)۔ سرگودھا زون:٭رانا شعیب محمود (ڈی پی او خوشاب)٭محمد عدیل حیدر (ایڈیشنل ڈپٹی کمشنر و یونیو) ٭طارق خان نیازی (ڈپٹی کمشنر چنیوٹ) ٭کیپٹن حماد پرویز نیازی ٭بریگیڈیئر ملک اعظم ٹوانہ۔سیالکوٹ زون:٭سیف انور (ڈی سی او جہلم) ٭صابر چھٹہ (ڈی ایس پی جہلم) ٭طاہر (اسسٹنٹ کمشنر پسرور)۔ پاکپتن زون: ٭احمد کمال ماند (ڈپٹی کمشنر ساہیوال) ٭عبادت نثار (ڈی پی او پاکپتن) ٭احمد کمال مان (ڈپٹی کمشنر پاکپتن)۔ رحیم یار خان زون:٭سیّد برہانُ الدین (اسسٹنٹ ڈائریکٹر ایگریکلچرل) ٭فرخ جاوید (ڈی ایس پی خان پور) ٭میاں محمد شفیع (ایم پی اے)۔ڈیرہ اللہ یار زون:٭محمود نوتیزئی (زونل کمانڈر بلوچستان کانسٹیبلری فورس) ڈیرہ غازی خان زون:٭اویس دریشک (ایم پی اے راجن پور) ٭افضل خان (ڈی سی راجن پور )۔

Share

مدنی خبریں

اسلامی بہنوں کی پاکستان کی مدنی خبریں

کورسز مجلس شارٹ کورسز کے تحت اولاد کی بہترین تربیت کرنےکے حوالے سے تین دن پر مشتمل ایک منفرد کورس بنام ” تربیتِ اولاد کورس“ 12 ستمبر 2019ء سے پاکستان کے بڑے شہروں (کراچی، حیدر آباد، ملتان، فیصل آباد، اسلام آباد اور لاہور) میں کروایا گیا جس میں شریک اسلامی بہنوں کو اولاد کی اچھی تربیت کرنے کے حوالے سے نکات پیش کئے گئے۔٭17 ستمبر 2019ء سے پاکستان کے بڑے شہروں (کراچی، حیدرآباد، فیصل آباد،ملتان،لاہور، اور اسلام آباد) میں ”فیضانِ عمرہ کورس“ کا سلسلہ ہوا جس میں اسلامی بہنوں کو عمرے کی درست ادائیگی کا طریقہ سکھایا گیا اور مدینۂ منوّرہ کی حاضری کے آداب سکھائے گئے۔٭K.G تا Class 8th کی بچیوں اور ساڑھے 4 سال سے7 سال تک کے بچوں کے لئے پاکستان کے 18 جامعاتُ المدینہ اور 31 مدارسُ المدینہ سمیت 724 مقامات پر”فیضانِ حسنینِ کریمین کورس“ کروایا گیا جن میں تقریباً 12 ہزار سے زائد بچّوں اور بچیوں نے شرکت کی۔

مدنی انعامات اجتماعات ٭مجلس مدنی انعامات کے تحت جولائی اور اگست 2019ء میں پاکستان کے مختلف مقامات کراچی، حیدرآباد، سکھر، ڈگری، میرپور خاص، جیکب آباد، گھوٹکی،نواب شاہ، دادو، بدین، گولارچی، چوہڑجمالی، سجاول، جاتی، ٹھٹھہ، چھتو چند، لاہور، گوجرانوالہ، ہرنولی، جڑانوالہ، سرگودھا، چنیوٹ، راولپنڈی اور ایبٹ آباد میں تین گھنٹے کے مدنی انعامات اجتماعات منعقد ہوئے جن میں تقریباً 3500 اسلامی بہنوں نے شرکت کی۔

ٹیچرز اجتماعات شعبۂ تعلیم(اسلامی بہنیں) کے تحت پاکستان کے شہروں،لاہور،حافظ آباداورگوجرانوالہ میں ٹیچرز اجتماعات کا انعقاد کیا گیا جس میں مختلف سرکاری و نجی تعلیمی اداروں سے تعلق رکھنے والی کم و بیش 400 ٹیچرز اور پرنسپلز نے شرکت کی۔اجتماعِ پاک میں ”ٹیچرکو کیسا ہونا چاہئے؟“ کے عنوان پر سنّتوں بھرا بیان کیا گیا جس میں شُرکا کو بنیادی علمِ دین سیکھنے اور اصلاحِ اُمّت میں اپنا کردار ادا کرنے کا ذہن دیا گیا نیز اجتماع میں شریک اسلامی بہنوں کو دعوتِ اسلامی کے تعارف پر مبنی ڈاکیومنٹری بھی دکھائی گئی۔

Share

مدنی خبریں

اسلامی بہنوں کی بیرونِ ملک کی مدنی خبریں

کورسز مجلس مدرسۃُ المدینہ آن لائن کے تحت 28جولائی 2019ء سے چٹاگانگ بنگلہ دیش میں ”مدنی قاعدہ کورس“ کا سلسلہ ہوا جس میں مقامی اسلامی بہنوں نے شرکت کی سعادت حاصل کی۔ ٭مجلس شارٹ کورسز (بیرون ملک) کے تحت جولائی اور اگست 2019ء میں کویت، ملائشیا، آسٹریلیا، اسپین اور ہند سمیت 185 مقامات پر 3 دن کے”تربیتِ اولاد کورس“ منعقد کئے گئے جن میں تقریباً 4216 اسلامی بہنوں نے شرکت کی۔ ٭سیّد پور (اسلام آباد) میں 26 دن کا ”مدنی قاعدہ کورس“ اختتام پذیر ہوا جس میں مقامی اسلامی بہنوں نے شرکت کی۔ ذمّہ دار اسلامی بہن نے کورس میں شریک اسلامی بہنوں کو درست مخارج کے ساتھ مدنی قاعدہ پڑھنا سکھایا۔

مدنی انعامات اجتماعات جولائی اور اگست 2019ء میں مجلس مدنی انعامات (بیرون ملک)کے تحت مختلف ممالک اور ہند کے مختلف صوبوں اور شہروں میں مدنی انعامات اجتماعات منعقد کئے گئے جن میں کم و بیش 2755 اسلامی بہنوں نے شرکت کی۔ کورسز کے آخر میں کئی اسلامی بہنوں نے سنّتوں بھرے اجتماع میں شرکت کرنے، ہر ماہ مدنی انعامات کا رسالہ جمع کروانے اور مدنی مذاکرہ دیکھنے سننے کی نیّتیں کیں۔

Share

مدنی خبریں

مجلس خدّامُ المساجد:مجلس خدّامُ المساجد کے تحت عمان اور کوریا کے ذمّہ داران کی تربیت کا سلسلہ ہوا جس میں رکنِ شوریٰ سید محمد لقمان عطاری نے عالمی مدنی مرکزفیضانِ مدینہ کراچی سے بذریعہ انٹرنیٹ ان ذمّہ داران کی کارکردگی کا جائزہ لیا اور شرکا کونئی مساجد بنانے کے اہداف دیئے۔ مدنی حلقے: 26اگست 2019ء کویوکے کے شہرمیں ایک مدنی حلقے کا انعقاد کیا گیا جس میں سمالین اورایسٹ افریقن ممالک سے تعلق رکھنے والے عاشقانِ رسول نے شرکت کی۔ مبلغِ دعوتِ اسلامی نےسنتّوں بھرا بیان فرمایا۔ قافلے:٭مجلسِ قافلہ کے تحت ساؤتھ افریقہ کے مختلف شہروں سے عاشقانِ رسول نے لیسوتھو(Lesotho) میں قافلے کاسفرکیاجس میں شرکانے شیڈول کے مطابق مدنی حلقے لگائے اور علاقے کے اسلامی بھائیوں میں نیکی کی دعوت عام کی۔ ٭ کراچی سےعاشقانِ رسول نےسنّتوں کی دھومیں مچانے کے لئے نیپال کی جانب قافلے میں سفر کیا۔دورانِ قافلہ مدنی حلقے لگائے گئے جن میں مبلغینِ دعوتِ اسلامی نے سنّتوں بھرے بیانات کئے اور شرکا کی تربیت کرتے ہوئے انہیں دعوتِ اسلامی کے 12 مدنی کام کرنے کی ترغیب دلائی۔ ٭ ترکی سے عاشقانِ رسول نے سائپرس کی جانب قافلے میں سفر کیا۔٭انڈونیشیاء کے عاشقانِ رسول نے کوالالمپور سری لنکا میں سنّتوں کی دھومیں مچانے کے لئے قافلے میں سفر کیا۔ شرکائے قافلہ نے جامع مسجد الراشدین میں مدنی حلقے کااہتمام کیا جس میں علاقے کے اسلامی بھائیوں نے شرکت کی۔

Share

Articles

Comments


Security Code