سُبْحٰنَ اللہ! پیارے اسلامی بھائیو! کتنا پیارا واقعہ ہے...!! اس سے معلوم ہوا؛ درودِ پاک وہ مُبارَک نیکی ہے، جس کی برکت سے مشکلات ٹلتی ہیں، وہ مشکلات جو ہم پر آ چکی ہیں، جن کا ہم سامنا کر رہے ہیں، وہ مشکلات بھی درودِ پاک کی برکت سے ٹل جاتی ہیں اور وہ مشکلات جو ابھی ہم پر آئی نہیں ہیں، آنے والی ہیں، درودِ پاک کے صدقے وہ مشکلات آنے سے پہلے ہی ٹل جاتی ہیں اور الحمد للہ! یہ وہ نیکی ہے جس کی برکت سے ہماری ایسی ایسی جگہ سے بھی مدد ہو جاتی ہے، جس کا ہمیں خیال تک نہیں آتا، دیکھئے! اُن اعرابی نے درودِ پاک پڑھا، اللہ پاک نے اُونٹ سے اُن کے حق میں گواہی دِلوا دی۔ سُبْحٰنَ اللہ!

اللہ پاک ہمیں کثرت سے درودِ پاک پڑھنے کی توفیق نصیب فرمائے۔ یہ ایسا بےمثال وظیفہ ہے کہ اس کا ثواب اور اس کی برکتیں شُمار نہیں کی جا سکتیں...!!

شانِ لَوح و قلم دُرود و سلام                                                                        جانِ عَرش و اِرم دُرود و سلام

بالیقیں سب سے افضل و اعلیٰ                                                              ذکرِ شاہِ اُمَّم دُرود و سلام

یہ وظیفہ ہے قوّتِ مومن                                                                                       ہونے دے گا نہ خَم دُرود و سلام

وہ دعا مُستَجاب ہوتی ہے                                                                                           جس میں ہوتا ہے ضَم دُرود و سلام

صَلُّوْا عَلَی الْحَبِیْب!                                               صَلَّی اللہُ عَلٰی مُحَمَّد

بیان سننے کی نیتیں

حدیثِ پاک میں ہے: اِنَّمَا الْاَعْمَالُ بِالنِّیَّات اَعْمَال کا دار ومدار نیتوں پر ہے۔^([1])

پیارے اسلامی بھائیو! اچھی نیت بندے کو جنّت میں پہنچا دیتی ہے، بیان سننے سے پہلے کچھ اچھی اچھی نیتیں کر لیجئے! مثلاً نیت کیجئے:*رِضَائے اِلٰہی کے لئےپورا بیان سُنوں گا