گواہی دے رہا ہے کہ تم جھوٹے ہو (یعنی اس اعرابی نے چوری نہیں کی، تمہیں کوئی غلط فہمی ہو گئی ہے)۔ یہ سُن کر وہ محافِظ چلا گیا۔ اب رسولِ ذیشان،مکی مَدَنی سلطان صَلَّی اللہُ عَلَیْہِ وَ آلِہٖ وَ سَلَّم نے اُن اعرابی صحابی رَضِیَ اللہُ عنہ سے پوچھا: میرے پاس آنے سے پہلے تم نے کیا پڑھا تھا؟ عرض کیا: میرے ماں باپ آپ پرقربان ہوں، میں نے یُوں درودِ پاک پڑھا تھا:

اَللّٰھُمَّ صَلِّ عَلٰی مُحَمَّدٍحَتٰی لَاتَبْقَی صَلٰوۃٌ

اے اللہ پاک! مُحَمَّد صَلَّی اللہُ عَلَیْہِ وَ آلِہٖ وَ سَلَّم پر انتہائی کثرت سے درود بھیج۔

اَللّٰھُمَّ بَارِکْ عَلٰی مُحَمَّدٍ حَتٰی لَاتَبْقَی بَرَکَۃٌ

اے اللہ پاک! مُحَمَّد صَلَّی اللہُ عَلَیْہِ وَ آلِہٖ وَ سَلَّم پر انتہائی کثرت سے برکتیں نازِل فرمایا۔

اَللّٰھُمَّ سَلِّمْ عَلٰی مُحَمَّدٍ حَتٰی لَایَبْقَی سَلَامٌ

اے اللہ پاک! مُحَمَّد صَلَّی اللہُ عَلَیْہِ وَ آلِہٖ وَ سَلَّم پرانتہائی کثرت سے سلامتیاں نازِل فرمایا۔

اَللّٰھُمَّ وَارْحَمْ مُحَمَّدًا حَتٰی لَاتَبْقَی رَحْمَۃٌ

یعنی :اے اللہ پاک!مُحَمَّد صَلَّی اللہُ عَلَیْہِ وَ آلِہٖ وَ سَلَّم پر انتہائی کثرت سے رحمتیں نازِل فرمایا۔

یہ سُن کر محبوبِ ذیشان، مکی مَدَنی سلطان صَلَّی اللہُ عَلَیْہِ وَ آلِہٖ وَ سَلَّم نے فرمایا: (یہی سبب ہے کہ)اس کا معاملہ مجھ پرظاہِر کر دیا گیا، اُونٹ نے تمہارےحق میں گواہی دی اور فرشتوں نے آسمان کےکناروں کو گھیر لیا۔^([1])

نبی کی شان میں ہو جس قدر درود پڑھو                                           مُحِبَّو! پاؤ گے جنّت میں گھر درود پڑھو

جو اپنے کاموں کا انجام نیک چاہتے ہو                                ہر ایک کام میں تم پیش تر درود پڑھو

ہزار درد کو یہ ایک دوا کفایت ہے                                                  جو پیش آئے ذرا بھی خطر درود پڑھو^([2])