مُنْہ سے آگ نکل رہی ہو گی...!!

پیارےاسلامی بھائیو! کون کس حال میں قبر سے اُٹھے گا، سنیئے! حدیثِ پاک میں ہے،  غیب جاننے والے نبی، رسولِ ہاشمی صَلَّی اللہُ عَلَیْہِ وَ آلِہٖ وَ سَلَّم نے فرمایا: قیامت کے دِن ایک قوم اپنی قبروں سے اس طرح اُٹھائی جائے گی کہ ان کے مُنہ سے آگ نکل رہی ہو گی۔ پوچھا گیا: یارسولَ اللہ صَلَّی اللہُ عَلَیْہِ وَ آلِہٖ وَ سَلَّم! یہ کون لوگ ہوں گے؟ فرمایا: (وہ جو یتیموں کا مال ناحق کھاتے ہیں)کیا تم نے اللہ پاک کا یہ فرمان نہیں دیکھا: ^([1])

اِنَّ  الَّذِیْنَ  یَاْكُلُوْنَ  اَمْوَالَ  الْیَتٰمٰى  ظُلْمًا  اِنَّمَا  یَاْكُلُوْنَ  فِیْ  بُطُوْنِهِمْ  نَارًاؕ-وَ  سَیَصْلَوْنَ  سَعِیْرًا۠(۱۰) (پارہ:4، النساء:10)

تَرجَمہ کَنْزُ الْعِرْفان:بیشک وہ لوگ جو ظلم کرتے ہوئے یتیموں کا مال کھاتے ہیں وہ اپنے پیٹ میں بالکل آگ بھرتے ہیں اور عنقریب یہ لوگ بھڑکتی ہوئی آگ میں جائیں گے۔

اللہُ اکبر! پیارےاسلامی بھائیو! ذرا تَصَوُّر باندھیئے! کتنا ہولناک یہ منظر ہو گا...!! صُور پھونکا گیا ہے، لوگ اپنی اپنی قبروں سے اُٹھ رہے ہیں، اب وہ لوگ جنہوں نے دُنیا میں یتیموں کا مال ناحق کھایا ہو گا، وہ اس حالت میں قبر سے اُٹھیں گے کہ ان کے پیٹ میں آگ بھڑک رہی ہو گی اور اس کے شعلے (Flames)مُنہ سے باہَر نکل رہے ہوں گے۔ آہ! تمام اَہْلِ محشر کے سامنے یہ کتنی ذِلَّت(Humiliation) کا سبب ہو گا، اس گنہگار کو سخت تکلیف کے ساتھ ساتھ کتنی شرمندگی بھی ہو رہی ہو گی۔ اس لئے آج وقت ہے جو یتیموں کا مال ناحق کھاتے ہیں، انہیں چاہئے اللہ پاک کے عذاب سے ڈریں اور جھٹ پٹ