(6) :صبر کے انوار

ایک طویل حدیث پاک میں ہے :جب مرنے والے کو قَبْر میں رکھا جاتا ہے تَو* نماز اُس کی دائیں طرف آتی ہے* روزے بائیں طرف* قرآن و ذکر و اذکار اس کے سر کے پاس* اس کا نمازوں کی طرف چلنا قدموں کی طرف* اور صبر قَبْر کے ایک گوشہ میں آتا ہے۔ پھر اللہ پاک عذاب بھیجتا ہے* تو نماز کہتی ہے : پیچھے ہٹ کہ یہ تمام زندگی تکالیف برداشت کرتا رہا، اب آرام سے لیٹا ہے* پھر عذاب بائیں طرف سے آتا ہے تو روزے یہی جواب دیتے ہیں* سر کی جانب سے آتا ہے تو یہی جواب ملتا ہے۔ پس عذاب کسی جانب سے بھی اس کے پاس نہیں پہنچتا۔ جس راہ سے جانا چاہتا ہے اُسی طرف سے اللہ پاک کے دوست کو مَحْفُوظ پاتا ہے لہٰذا وہ وہاں سے چلا جاتا ہے۔* اس وقت صَبْر تمام اعمال سے کہتا ہے کہ میں اس لیے نہ بولا کہ اگر تم سب عاجز ہوجاتے تو میں بولتا، لیکن میں اب پل صِراط اور میزان پر کام آؤں گا۔^([1])

(7) :مسجد روشن کرنے کی برکت

مسلمانوں کے دوسرے خلیفہ حضرت عمر فاروقِ اعظم  رَضِیَ اللہ عنہ  سے روایت ہے کہ جس نے اللہ پاک کی مساجد کو روشن کیا اللہ پاک اُس کی قَبْر کو روشن فرمائے گا اور جس نے اس میں خوشبوئیں رکھیں تو اللہ پاک جنّت میں اس کے لیے خوشبو مہیا کرے گا۔^([2])

(8) :مریض کی عیادت

مسلمانوں کے پہلے خلیفہ حضرت ابو بکر صدیق  رَضِیَ اللہ عنہ  سے روایت ہے : اللہ پاک