Qabar Ke Sathi

Al Quran Books Madani Channel

Magazine Courses Media

فرمانِ آخری نبی، رسولِ ہاشمی صلی اللہ عَلَیْہِ وَ آلِہٖ وَسَلَّم : جب بندہ اپنے کھانے میں کمی کرتا ہے تو اُس کا سینہ نُور سے بھر دیا جاتا ہے۔^{(^[1])}

اے عاشقانِ رسول! * ہمارے پیارے آقا، مکی مَدَنی مصطفےٰ صَلَّی اللہ ُعَلَیْہِ وَ آلِہٖ وَسَلَّم بھوک سے کم کھایا کرتے تھے*آپ صَلَّی اللہ ُعَلَیْہِ وَ آلِہٖ وَسَلَّم جب تک دُنیا میں تشریف فرما رہے، کبھی لگاتار 2 دن پیٹ بھر کر نہ کھایا ^{(^[2])}* آپ صَلَّی اللہ ُعَلَیْہِ وَ آلِہٖ وَسَلَّم بھوک کے سبب پیٹ پر پتھر باندھا کرتے تھے۔ ^{(^[3])}

کھانے کی مِقْدَار کے مُتَعَلِّق اَحْکَام: * بھوک رکھ کر کھانا چاہیے*جتنی بھوک ہے، اتنا کھا لینا مُبَاح ہے (یعنی اس میں نہ گُنَاہ، نہ ثواب) *پیٹ بھر کر اتنا کھانا کہ پیٹ خراب ہونے کا گمان ہو، حرام ہے * پیٹ بھر کر اتنا کھانا کہ پیٹ خراب ہونے کا اندیشہ نہ ہو، مکروہ ہے * غِذَا میں اتنی کمی کر دینا کہ فرائض کی ادائیگی میں خلل آئے، ناجائز ہے۔^{(^[4])}

مختلف سنتیں اور آداب سیکھنے کے لیے مکتبۃ المدینہ کی بہارِ شریعت جلد:3، حِصّہ:16 اور امیر اہلسنت مولانا الیاس قادری دَامَتْ بَرَکَاتُہُمُ الْعَالِیَہ کا 91صفحات کا رسالہ 550 سنتیں اور آداب خرید فرمائیے اور پڑھئے! سنتیں سیکھنے کا ایک ذریعہ دعوتِ اسلامی کے قافلوں میں عاشقانِ رسول کے ساتھ سُنّتوں بھرا سفر بھی ہے۔

[1]...جامع صغیر، صفحہ:35،حدیث:469۔

[2]...شمائل ترمذی، باب ماجاء صفۃ خبز رسول اللہ صَلَّی اللہُ عَلَیْہِ وَ آلِہٖ وَسَلَّم، صفحہ:129، حدیث:150۔

[3]... ترمذی، کتاب الزہد، باب ما جاء فی معیشۃ...الخ،صفحہ:565،حدیث:2371 مفہوماً۔

[4]... بہارِ شَرِیْعت، حصہ:16، جلد:3، صفحہ:374-375ملتقطاً۔

Important

Mobile Apps

Contact Us