Book Name:Qabar Ke Sathi
پیارے اسلامی بھائیو! گُنَاہوں سے بچنے، نیکیاں کرنے، نفل عبادات کا شوق بڑھنے کے ساتھ ساتھ بہت سارا عِلْمِ دین سیکھنے کا ایک ذریعہ عاشقانِ رسول کے ساتھ قافلوں میں سَفَر کی بھی ہے! اَلحمدُ للہ! دعوتِ اسلامی کے تحت 3 دِن، 12 دِن، 1 ماہ اور 12 ماہ کے قافلے سفر کرتے رہتے ہیں، آپ بھی کم از کم ہر ماہ 3 دِن کے قافلے میں سَفَر کو اپنا معمول بنا لیجیے! اَلحمدُ للہ! قافلوں کی برکت سے زیادہ وقت مسجد میں گزارنا نصیب ہوتا ہے *پانچوں نمازیں مسجد میں باجماعت پڑھنا آسان ہوتا ہے *عِلْمِ دِین سیکھنے اور سکھانے کی برکتیں ملتی ہیں *بہت ساری سنّتیں سیکھنے اور ان پر عَمَل کا جذبہ نصیب ہوتا ہے *اَلحمدُ للہ! قافلے کی برکت سے کردار سنورتا ہے، اخْلاق نکھرتے ہیں اور اللہ پاک کے فضل سے سنّتوں کا پیکر بننے کی توفیق نصیب ہوتی ہے۔ لہٰذا ہر ماہ کم از کم 3 دِن کے قافلے میں سَفَر کی پکّی عادَت بنا لیجیے!
لوٹنے رحمتیں قافِلے میں چلو! سیکھنے سنّتیں قافِلے میں چلو!
چاہو گر بَرَکتیں قافِلے میں چلو! پاؤ گے عظمتیں قافِلے میں چلو!
ہفتہ وار اجتماع میں شرکت کیجیے!
پیارے اسلامی بھائیو! دعوتِ اسلامی کے ہفتہ وار سنّتوں بھرے اجتماع میں شرکت کر کے بھی ان فوائد کو حاصِل کیا جاسکتا ہے۔
اس کے علاوہ ، اَلحمدُ للہ! ہفتہ وار اجتماع میں ذِکْر ہوتا ہے *عِلْمِ دِین بھی سیکھنے کو ملتا ہے *نیک صحبت میں بیٹھنا *اور مسجد میں وقت گزارنا نصیب ہوتا ہے *ایک اَہَم برکت یہ