قَبْر میں مارنے پیٹنے کی آواز سنی۔پھر اچانک قَبْر سے ایک کالا کُتّا نمودار ہوا۔ ایک شخص نے پوچھا: تُو کون ہے؟ اس نے جواب دیا :میں میّت کا بُراعمل ہوں۔ پوچھا: پٹائی تمہاری ہورہی تھی یا اس مردے کی؟اس نے کہا : میری ہی ہورہی تھی، سورۂ یٰس شریف اور دوسری سورتیں اس کے پاس تھیں،وہ میرے اور اس کے درمیان حائل ہوگئیں اور مجھ کو مار بھگایا۔ ^([1])

(11):سور ۂ سجدہ شفاعت کرے گی

حضرت خالد بن مَعْدَان رَحمۃُ اللہ عَلَیْہ   سے روایت ہے کہ سورۂ سجدہ شریف قبر میں اپنے پڑھنے والے کے بارے میں جھگڑا کرے گی اورعرض کرے گی: یا اللہ پاک! اگر میں تیری کتاب میں سے ہوں تو اس کے بارے میں میری سفارش قبول فرمالے اوراگر میں تیری کتاب میں سے نہیں ہوں تو مجھے اپنی کتاب سے مٹا دے۔ سورۂ سجدہ شریف پرندے کی مانند ہوگی اور اپنے پروں کو پڑھنے والے پر پھیلادے گی، اس کے حق میں شفاعت کرے گی اور اسے قبر کے عذاب سے بچائے گی۔^([2])

(12):سور ۂ  زِلزال  شریف پڑھنے کی برکتیں

حضرت عبد اللہ بن عباس  رَضِیَ اللہ عنہ   سے روایت ہے:جس نے جمعہ کے دن مغرب کے بعد 2رکعت نماز پڑھی اور ہر رکعت میں سورۂ فاتحہ شریف کے بعد سورۂ زِلْزَال شریف  15مرتبہ پڑھی تو اللہ پاک اس پر جان نکلنے کے وقت نرمی دے گا،اسے عذابِ قبرسے مَحْفُوظ  فرمادے گا۔^([3])