Book Name:Agay Kia Bheja
ہوں میری ٹوٹی پھوٹی نمازیں خُدا قبول
اُن دو کا صَدَقہ جن کو کہا شَہ نے میرے پُھول
وضاحت: یعنی امام حَسَن و حُسَین رَضِیَ اللہ عنہما جنہیں سرکارِ عالی وقار صَلَّی اللہ عَلَیْہِ وَ آلِہٖ وَ سَلَّم نے رَیْحَانَتَیْ یعنی میرے پھول فرمایا، یا اللہ پاک! اُن کے صدقے میری ٹوٹی پُھوٹی نمازیں قبول فرما لے۔
اللہ پاک ہمیں اچھے انداز میں نمازیں پڑھنے کی توفیق نصیب فرمائے۔
اٰمِیْن بِجَاہِ خَاتَمِ النَّبِیّٖن صَلَّی اللہ عَلَیْہِ وَ آلِہٖ وَسَلَّم ۔
صَلُّوا عَلَی الْحَبیب! صَلَّی اللّٰہُ عَلٰی مُحَمَّد
روایت ہے، رسولِ اکرم، نُورِ مُجَسَّم صَلَّی اللہ عَلَیْہِ وَ آلِہٖ وَ سَلَّم نے فرمایا: قیامت کا دِن ہو گا، بندہ اُس وقت انتہائی محتاجی کی حالت میں ہو گا، تب قرآنِ کریم اُس کے پاس بہت خوبصُورت شکل میں آئے گا، فرمائے گا: أَتَعْرِفُنِي کیا تم مجھے پہچانتے ہو؟ بندہ کہے گا: مَنْ اَنْتَ؟ تم کون ہو؟ قرآنِ کریم فرمائے گا:
أَنَا الَّذِي كُنْتَ تُحِبُّهُ، وَتُكْرِمُهُ وَكُنْتَ تَسْهَرُ لَيْلَكَ بِي وَتَدْأَبُ نَهَارَكَ
میں وہ ہوں جس سے تُو محبّت کرتا تھا، جس کی تُو عزّت کرتا تھا، میرے لیے تو راتوں کو جاگتا تھا، دِن میرے ساتھ گزارا کرتا تھا۔
اب بندہ سمجھ جائے گا، کہے گا: لَعَلَّكَ الْقُرْآنُ شاید تم قرآن ہو؟
اب قرآنِ کریم جو اس وقت انتہائی خوبصُورت شکل و صُورت میں ہو گا، اس بندے