اَلْحَمْدُ لِلہِ رَبِّ الْعٰلَمِیْنَ وَالصَّلٰوۃُ وَالسَّلَامُ عَلٰی خَاتَمِ النَّبِیّٖن

اَمَّا بَعْدُ! فَاَعُوْذُ بِ اللہ  مِنَ الشَّیْطٰنِ الرَّجِیْمِ بِسْمِ  اللہ  الرَّحْمٰنِ الرَّحِیْمِ

اَلصَّلٰوۃُ وَالسَّلَامُ عَلَیْکَ یَارَسُوْلَ  اللہ                                            وَعَلٰی آلِکَ وَاَصْحٰبِکَ یَاحَبِیْبَ  اللہ

اَلصَّلٰوۃُ وَالسَّلَامُ عَلَیْکَ یَانَبِیَّ  اللہ                                                           وَعَلٰی آلِکَ وَاَصْحٰبِکَ یَانُوْرَ  اللہ

نَوَیْتُ سُنَّتَ الْاِعْتِکَاف                                                                                                                (ترجمہ: میں نے سُنَّت اعتکاف کی نِیَّت کی)

درودِ پاک کی فضیلت

فرمانِ آخری نبی،  رسولِ ہاشمی   صَلَّی  اللہ  عَلَیْہِ وَ آلِہٖ وَسَلَّم   : جو مجھ پر ایک دن میں  50بار دُرُودِ پاک پڑھے، میں قیامت کے دِن  اُس سے مُصافَحہ کروں (یعنی ہاتھ ملاؤں  )گا۔^([1])

پیارے اسلامی بھائیو!  اگر ہم دن بھر میں  صرف 50مرتبہ حُضُور   صَلَّی  اللہ  عَلَیْہِ وَ آلِہٖ وَسَلَّم    پر دُرُودِپاک پڑھ لیا کریں  تو حدیث پاک کے مُطَابِق کل قِیامت کے دن ہم گُناہ گاروں  کو بھی محبوب خدا   صَلَّی  اللہ  عَلَیْہِ وَ آلِہٖ وَسَلَّم   سے مُصافَحہ کا شَرَف ضَرور نصیب ہوگا اور جس خُوش نصیب کے جسم سے مَحْبوب   صَلَّی  اللہ  عَلَیْہِ وَ آلِہٖ وَسَلَّم    کے دَستِ اقدس مَس ہو گئے ، اس کی خُوش بَختی کے کیا کہنے،اِنْ شَآءَ  اللہ  الْکَرِیْموہ جہنّم کی آگ سے محفوظ رہے گا۔

تاجدارِ انبیا پر ہوں دُرود                                                                                                    رَحمتِ رَبّ العُلیٰ پر ہوں دُرود

عاصیوں کے اُس سہارے پر سلام                                          ہادی و نُورِ ھُدی پر ہوں  دُرود

اُس مِرے مَحْبوب پر لاکھوں سلام                                               اُس مِرے مشکل کُشا پر ہوں دُرود

صَلُّوا عَلَی الْحَبیب!                                               صَلَّی اللّٰہُ عَلٰی مُحَمَّد