پاک تمہیں شِفَا عطا فرمائے گا ، اگر چاہو تو صبر کرو تو تمہارے لئے جنّت ہے۔میں نے کہا : میں تو جنّت ہی چاہتی ہوں ، باقی اللہ پاک کی رحمت وسیع ہے ، وہ چاہے تو دُنیا میں شِفا اور آخرت میں جنّت دونوں ہی عطا فرما دے۔ خواب میں آنے والے نے کہا : تمہارے دادا اور والِد شیخینِ کریمین  رَضِیَ اللہ عنہما  سے محبّت کرتے تھے ، اس کی برکت سے اللہ پاک نے تمہیں شِفَا بھی دی اور تمہارے لئے جنّت کی بشارت بھی ہے۔ ^{( [1] )}  

سُبْحٰنَ اللہ ! پیارے اسلامی بھائیو ! محبّتِ صحابہ ، محبّتِ اَہْلِ بیت ، محبّتِ صِدِّیق و فاروق کی کیسی نِرالی شان ہے... ! ! اللہ پاک ہمیں بھی یہ ایمانی محبّت نصیب فرمائے۔ آمِیْن بِجَاہِ خَاتَمِ النَّبِیّٖنَ    صَلَّی اللہ عَلیہ وَآلہٖ و َسَلَّم ۔

کیوں نہ ہو رُتبہ بڑا اَصْحاب و اَہْلِ بیت کا          ہے خُدائے مصطفےٰ ، اَصْحاب و اَہْلِ بیت کا

فضل ِ رَبّ سے دو جہاں میں کامیابی پائے گا     دِل سے جو شیدا ہوا اَصْحاب و اَہْلِ بیت کا  ^{( [2] )}

ہر صَحابیِ نبی !         جنَّتی  جنَّتی             سب صَحابیات بھی ! جنَّتی جنَّتی

حضرتِ صدیق بھی !   جنَّتی جنَّتی             اور عُمرِ فاروق بھی !   جنَّتی جنَّتی

صَلُّوْا عَلَی الْحَبیب !                                                صَلَّی اللہ  عَلٰی مُحَمَّد

نیکی کبھی پُرانی نہیں ہوتی

پیارے اسلامی بھائیو ! نیک اَعْمَال دُنیا اور آخرت میں بھلائی کا ذریعہ ہیں۔ نیکی چھوٹی ہو یا بڑی بہر حال اس کا پھل ضرور ملتا ہے۔ دیکھئے ! حضرت یحیٰ بن اسماعیل رَحمۃُ اللہ عَلَیْہ کے والِدِ محترم صحابۂ کرام علیہمُ الرّضوان سے محبّت کرنے والے تھے ، اُن کی اس محبّت ، اس نیکی