کرتی ہے ، ساتھ ہی ساتھ آیندہ وہ بیماری لگنے سے بھی بچاتی ہے ، نماز بھی گویا ایک روحانی ویکسین ہے ، اللہ پاک فرماتا ہے :

اِنَّ الصَّلٰوةَ تَنْهٰى عَنِ الْفَحْشَآءِ وَ الْمُنْكَرِؕ       ( پارہ : 21 ، سورۂ عنکبوت : 45 )

ترجَمہ کنز الایمان : بے شک نماز منع کرتی ہے بے حیائی اور بُری بات سے۔

یہ نماز کا اہم ترین فائدہ ہے کہ نماز نہ صرف ہماری منفی سوچ ، منفی کردار ، منفی اخلاق کو مثبت بناتی ہے بلکہ ہمارے افعال و کردار ، اخلاق ، عادات ، گفتار وغیرہ کو دوبارہ منفی ہونے سے بھی بچا لیتی ہے۔

نماز اِصْلاح کا سبب ہے

ایک مرتبہ ایک صحابی رَضِیَ اللہ عنہ  بارگاہِ رسالت میں حاضِر ہوئے ، عرض کیا : یارسولَ اللہ  صَلَّی اللہ عَلیہ وَآلہٖ و َسَلَّم ! فُلاں شخص نماز بھی پڑھتا ہے اور چوری بھی کرتا ہے۔ اللہ پاک کے آخری نبی ، رسولِ ہاشمی صَلَّی اللہ عَلیہ وَآلہٖ و َسَلَّم نے فرمایا : اسے چھوڑ دو ! اس کی نماز اسے چوری سے روک دے گی۔  ^{( [1] )}

سُبْحٰنَ اللہ ! پیارے اسلامی بھائیو ! نماز کی6 شرائط ،  7 فرائض ، 30 واجبات ، 92 سنتیں اور کئی ایک باطنی آداب ہیں ، اگر ہم ان سب کا لحاظ رکھ کر نماز ادا کریں تو اِنْ شَآءَ اللہ الْکَرِیْم ! نماز ہمارے اخلاق و کردار کو نکھار کر مثبت اور پُرکشش بنا دے گی۔اللہ پاک ہمیں پانچوں نمازیں پابندی کے ساتھ مسجد میں تکبیرِ اُوْلیٰ کے ساتھ پڑھنے کی توفیق نصیب فرمائے۔

صَلُّوْا عَلَی الْحَبِیْب !                                                صَلَّی اللہ عَلٰی مُحَمَّد