ان کی مبارک قبر کے دائیں یا بائیں (Right / Left)  جانِب قبلہ رُو ہر کرنماز پڑھنی چاہئے ، اس سے برکات میں اِضَافہ ہوتا ہے۔ ^([1])

صَلُّوْا عَلَی الْحَبیب!                                                           صَلَّی اللّٰہُ عَلٰی مُحَمَّد

امام شافعی رَحْمَةُ اللّٰهِ عَلَیْه بہت سخی تھے

اے عاشقانِ رسول! حضرت امام شافعی رَحْمَةُ اللّٰهِ عَلَیْهکے پاکیزہ اَوصاف میں ایک بہت پیارا وَصْف یہ بھی ہے کہ امام شافعی رَحْمَةُ اللّٰهِ عَلَیْه بہت سخی تھے ، ہزاروں روپے  بڑی خوشی کے ساتھ غریبوں پر خرچ فرما دیا کرتے تھے۔ حضرت حُمیدی رَحْمَةُ اللّٰهِ عَلَیْه فرماتے ہیں : ایک مرتبہ امام شافعی رَحْمَةُ اللّٰهِ عَلَیْه اپنے کسی کام کے سلسلے میں یَمن تشریف لے گئے ، جب آپ واپس مَکَّہ مُکَرَّمہ آئے تو آپ کے پاس 10 ہزار دِرْہم (یعنی چاندی کے سِکّے) تھے ، آپ رَحْمَةُ اللّٰهِ عَلَیْه نے شہر سے باہَر ہی خیمہ لگا لیا ، لوگ آپ رَحْمَةُ اللّٰهِ عَلَیْهکے پاس آتے رہے ، آپ انہیں مال عطا فرماتے رہے ، جب آپ خیمے سے باہَر تشریف لائے تو سارا مال (یعنی 10 ہزارچاندی کے سِکّے)  راہِ خُدا میں تقسیم فرما چکے تھے۔ ^([2])

مہر کی رَقم ادا فرما دی

حضرت ربیع رَحْمَةُ اللّٰهِ عَلَیْهفرماتے ہیں : جب میرا نِکاح ہوا تو حضرت امام شافعی رَحْمَةُ اللّٰهِ عَلَیْه نے مجھ سےپوچھا : حق مِہر کتنا طَے کیا تھا؟ میں نے عرض کیا : 30 دِینار۔ آپ نے دوبارہ پوچھا : اس میں سے ادا کتنا کر دیا ہے؟ میں نے عرض کیا : 6 دِینار (سونے کے سِکّے)۔ اتنا پوچھنے کے بعد امام شافعی رَحْمَةُ اللّٰهِ عَلَیْهتشریف لے گئے ، بعد میں مجھے ایک تھیلی بھجوائی ، جس میں پورے 24 دِینار تھے۔ ^([3])