Book Name:Imam Shafi Ke Ala Ausaf
حدیثِ پاک میں ہے : اِنَّمَا الْاَعْمَالُ بِالنِّیّات اَعْمَال کا دار ومدار نیتوں پر ہے۔ ([1])
پیارے اسلامی بھائیو! اچھی نیت بندے کو جنّت میں پہنچا دیتی ہے ، بیان سننے سے پہلے کچھ اچھی اچھی نیتیں کر لیجئے! مثلاً نیت کیجئے : * رِضَائے اِلٰہی کے لئے بیان سُنوں گا* عِلْمِ دین سیکھوں گا * پورا بیان سُنوں گا * ادب سے بیٹھوں گا * نصیحت حاصِل کروں گا * اَحْمَدِ مجتبیٰ ، مُحَمَّد مصطفےٰ صَلَّی اللّٰهُ عَلَیْهِ وَ آلِهٖ وَ سَلَّمکا نامِ پاک سُن کر درودِ پاک پڑھوں گا۔
صَلُّوْا عَلَی الْحَبیب! صَلَّی اللّٰہُ عَلٰی مُحَمَّد
پیارے اسلامی بھائیو!کروڑوں شافعِیَّوں کے امام ، نہایت متقی ، پرہیز گار ، عبادت گزار ، عالِمِ باعَمَل ، عاشِقِ رسول ، مُحِبِّ صحابہ و اَہْلِ بیت ، امام محمد بن ادریس شافعی رَحْمَةُ اللّٰهِ عَلَیْه دوسری سَنِ ہجری کے بلند رُتبہ بزرگ ہیں ، آج ہم آپ رَحْمَةُ اللّٰهِ عَلَیْهکے بعض فضائِل اور چند اعلیٰ اَوْصاف سننے کی سَعَادت حاصِل کریں گے۔ اللہ پاک ہمیں نیک بندوں کی سیرت سے روشنی لینے اور ان کے فیضان سے اپنی زِندگی کو نُورانی بنانے کی توفیق عطا فرمائے۔ اٰمِیْن بِجَاہِ خَاتَمِ النَّبِیّٖنَ صَلَّی اللّٰهُ عَلَیْهِ وَ آلِهٖ وَ سَلَّم۔
ہر صَدِی کی ابتدا میں مُجَدِّد بھیجا جاتا ہے
سُنَنِ اَبُو داؤد کی حدیثِ پاک ہے ، ہمارے پیارے آقا ، مکی مدنی مصطفےٰ صَلَّی اللّٰهُ عَلَیْهِ وَ آلِهٖ وَ سَلَّمنےفرمایا : إِنَّ اللَّهَ يَبْعَثُ لِهٰذِهِ الْأُمَّةِ عَلَى رَأْسِ كُلِّ مِائَةِ سَنَةٍ مَنْ يُجَدِّدُ لَهَا دِينَهَا یعنی : بے شک اللہ پاک اس اُمّت میں ہر صدی کی ابتداء میں ایک ایسے شخص کو بھیجتا