امام شافعی رَحْمَةُ اللّٰهِ عَلَیْه کی صحابہ کرام رِضْوَانُ اللّٰهِ عَلَیْهِمْ سے محبت

اے عاشقانِ رسول! امام شافعی رَحْمَةُ اللّٰهِ عَلَیْهکا ایک بہت ہی پیارا وَصْف یہ ہے کہ آپ رَحْمَةُ اللّٰهِ عَلَیْه صحابۂ کرام رِضْوَانُ اللّٰهِ عَلَیْهِمْاور اَہْلِ بیتِ اطہار سے بہت محبت فرمایا کرتے تھے ، وقتاً فوقتاً صحابۂ کرام رِضْوَانُ اللّٰهِ عَلَیْهِمْ اور اَہْلِ بیتِ اطہار کے فَضَائِل بیان کرنا ، جو ان سے بغض رکھتا ہو ، اس سے دُور رہنا ، صحابۂ کرام  اور اَہْلِ بیتِ اطہار کے معاملے میں حق سے ہٹنے والے کو نیکی کی دعوت دینا ، اسے اچھے انداز سے سمجھانا امام شافعی رَحْمَةُ اللّٰهِ عَلَیْه کی عادات میں شامِل تھا ، ایک مرتبہ امام شافعی رَحْمَةُ اللّٰهِ عَلَیْه نے صحابۂ کرام رِضْوَانُ اللّٰهِ عَلَیْهِمْ کے فضائِل بیان کرتے ہوئے فرمایا : * صحابۂ کرام رِضْوَانُ اللّٰهِ عَلَیْهِمْ  وہ مبارک ہستیاں ہیں کہ ان کی تعریفیں تمام جہانوں کے رَبّ ، اللہ پاک نے فرمائی ہیں*  صحابۂ کرام رِضْوَانُ اللّٰهِ عَلَیْهِمْ وہ ہیں کہ قرآنِ کریم ، تورات اور انجیل میں ان کی منقبت ہے* صحابۂ کرام رِضْوَانُ اللّٰهِ عَلَیْهِمْ وہ ہیں کہ اللہ پاک کے محبوب نبی ، رسولِ ہاشمی صَلَّی اللّٰهُ عَلَیْهِ وَ آلِهٖ وَ سَلَّمنے ان کے فَضَائِل بیان فرمائے* صحابۂ کرام رِضْوَانُ اللّٰهِ عَلَیْهِمْ وحی اُترنے کے شاہِد (یعنی گواہ) ہیں* صحابۂ کرام رِضْوَانُ اللّٰهِ عَلَیْهِمْ ہی نے ہم تک دین  پہنچایا* بےشک صحابۂ کرام رِضْوَانُ اللّٰهِ عَلَیْهِمْ ہم سے زیادہ عِلْم والے ہیں* صحابۂ کرام رِضْوَانُ اللّٰهِ عَلَیْهِمْ  ہر عِلْم میں ہم سے بہت اُونچے اور بُلند مرتبہ ہیں *  صحابۂ کرام رِضْوَانُ اللّٰهِ عَلَیْهِمْ کی یہ شان ہے کہ یہ سب جس بات پر متفق ہو جائیں ، وہ بات دِین میں دلیل بن جاتی ہے اور اگر ایک ہی صحابی کوئی بات کہے تو اس بات کی مخالفت کرنے کی کسی میں ہمّت نہیں ، صِرْف ایک صحابی کا فرمان بھی ہمارے لئے دلیل ہے۔ ^([1])