اسی طرح دل کی سختی کی ایک علامت یہ بھی ہے کہ جب  وعظ ونصیحت اورآخرت  کی یاد دلانے والےاُمُور یا اچانک موت کے واقعات  پڑھ یا سن کر  کسی کے  دل  میں  فکر ِآخرت یا نیکیوں کی طرف رغبت پیدا نہ ہوتویہ بھی   سخت دلی کی علامت ہے ۔

 (3) آخرت پر دنیا کو ترجیح دینا!

       دل کی سختی کی ایک علامت یہ بھی ہے کہ بندہ ہمیشہ رہنے والی آخرت پر اس دنیا کی عارضی زندگی کو ترجیح دینا شروع کر دیتا ہےاور دنیا  ہی کواپنا سب کچھ سمجھ  کر اس کو پانے کیلئےبے چین رہتا ہے، اس کا نتیجہ یہ نکلتا ہے کہ ایسا شخص دنیا کی مَحَبَّت میں اندھا ہو کر گناہوں کی تاریک وادی میں گم ہوجاتا ہےاور دنیا وآخرت کی بربادی  کے سوا   کچھ ہاتھ نہیں آتا۔

(4)اِیْمان کا کمزور ہو جانا!

        دل کی سختی کی ایک علامت یہ بھی ہے کہ جب بندے کے  سامنے حُدودُاللہ  کو توڑا جائےاور بے شرمی وبے حیائی کے ذریعے  گناہوں کابازارگرم کیا جائے  تب بھی اس کی غیرتِ ایمانی بیدار نہ ہو اور وہ اس برائی کو نہ روکے یا روک نہیں سکتاتو دل میں  بُرا بھی  نہ جانے تو سمجھ لینا چاہیے کہ  اس کا دل سخت ہو گیا ہے۔

نفس و شیطاں ہو گئے غالب      اِن کے چُنگل سے تُو چُھڑا یا ربّ

کر کے توبہ میں پھر گناہوں میں     ہو ہی جاتا ہوں مُبتلا یا ربّ

نِیم جاں کر دِیا گناہوں نے         مرضِ عصیاں سے دے شِفا یا ربّ

(وسائلِ بخشش مُرمّم، ص79)

صَلُّو ْا عَلَی الْحَبِیْب!                                صَلَّی اللہُ تَعَالٰی عَلٰی مُحَمَّد

        میٹھے میٹھے اسلامی بھائیو! ان علامتوں اور نشانیوں سے بخوبی اندازہ لگایاجا سکتا ہے کہ دل کی