(پ:۱،البقرۃ: 74)                           بھی زیادہ کَرّے (سخت)۔

پتھر سے بھی سخت دل!

        میٹھے میٹھے اسلامی بھائیو!بیان کردہ آیتِ مُبارکہ میں جن سخت دل لوگوں کی مذمّت بیان کی گئی ہے ،اس سے مُراد بنی اسرائیل کے وہ لوگ ہیں جوحضرت موسیٰ عَلَیْہِ الصَّلٰوۃُ وَالسَّلَام کے زمانے میں مَوْجُود  تھے، ان کے بارے میں فرمایا گیا کہ بڑی بڑی نشانیاں اور حضرت موسیٰ عَلَیْہِ الصَّلٰوۃُ وَالسَّلَام کے مُعْجِزَات دیکھ کر بھی اُنہوں نے عبرت حاصل نہ کی، ان کے دل پتھروں کی طرح ہوگئے بلکہ ان سے بھی زِیادہ سخت، کیونکہ پتھر بھی اَثْر قبول کرتے ہیں کہ ان میں کسی سے ندیاں بہہ نکلتی ہیں،کوئی پتھر پھٹ جاتا ہے تو اس سے پانی بہتا ہے اور کوئی خوف ِ الٰہی سے گِرجاتا ہے جیسے اللہتَعَالٰیکومنظور ہوتا ہے لیکن انسان جسے بے پناہ اِدراک و شُعُور دِیا گیا ہے، (جس کے)حواس قوی ہیں،عَقْل کامل ہے، (اس کے سامنے)دَلائل ظاہر ہیں ،(اور) عبرت و نصیحت کے مَواقِع مَوْجُود  ہیں لیکن پھر بھی اللہ  تَعَالٰی کی اطاعت و بندگی کی طرف نہیں آتا۔ (صِراطُ الجِنان ،پارہ ۱،ص۱۴۶،جلد1)

سلسلہ آہ! گناہوں کا بڑھا جاتا ہے         نِت نیا جُرم ہر اِک آن ہوا جاتا ہے

قلب پتھر سے بھی سختی میں بڑھا  جاتا ہے     خول پر خول سیاہی کا چڑھا جاتا ہے

لاؤں وہ اشک کہاں سے جو سیاہی دھوئیں     گندگی میں مرا دل حد سے بڑھا جاتا ہے

                                                              (وسائلِ بخشش مُرمّم ص432)

صَلُّو ْا عَلَی الْحَبِیْب!                                صَلَّی اللہُ تَعَالٰی عَلٰی مُحَمَّد

احادیثِ مبارکہ:

        میٹھے میٹھے اسلامی بھائیو!اس میں کوئی شک نہیں کہ دل کی سختی بہت بڑی بیماری اور تباہ کُن