داڑھی،عمامہ شریف اوردیگر سُنَّتوں پرعمل کرنے اوراپنے بچوں کوبھی سُنَّتوں پرعمل کی ترغیب دِلانے کی سَعادَت نصیب ہوجائے ۔

(وسائلِ بخشش، ص۱۳۹)

صَلُّوْا عَلَی الْحَبِیْب!                                                                                                صَلَّی اللّٰہُ تَعَالٰی عَلٰی مُحَمَّد

راضی برضائے اِلٰہی:

          میٹھے میٹھے اسلامی  بھائیو!حضرت سَیِّدُناابراہیمعَلٰی نَبِیِّنَاوَعَلَیْہِ الصَّلٰوۃُ وَالسَّلَامکی ساری زِنْدگی راہِ خُداعَزَّ  وَجَلَّمیں قُربانیاں دیتےہوئےگُزری۔جب بھی حکمِ خُداوَنْدی آیاتوآپ نےتعمیل کرتے ہوئےکبھی گھر والوں کو شِرک سے روکا تو کبھی قوم کونیکی کی دعوت دے کر ان کی مُخالَفَت جھیلی،کبھی بادشاہِ وَقْت کو توحید ورِسالت کا پیغامِ حق  سُنایا توکبھی اپنے قوم کے ہاتھوں آتَش کَدے میں جَلناپڑا،  بڑی  چاہتوں اور مُرادوں کے بعد بُڑھاپے میں حاصل ہونے والے شِیْرخوار بیٹے کو اس کی والدہ کے ساتھ لَقْ ودَقْ( یعنی ویرانہ) بیابان  اور چٹیل میدان(وہ میدان جہاں کوئی سایہ داردرخت نہ ہو) میں  رَبّ عَزَّ  وَجَلَّکےحکم سےبِغَیْر کسی دُنیوی سَہارے کے اَکیلاچھوڑ دیا، تو کبھی اسی بیٹے کی نرَم ونازُک گردن پر اپنے ہاتھوں سے چُھری چلانے تک گُریز نہ کیا۔اَلْغَرض آپ عَلَیْہِ السَّلَامکی تمام زِندگی اِطاعتِ الٰہی میں بَسَر ہوتی نظرآتی ہے۔آپ عَلَیْہِ السَّلَام کی داستانِ حیات کا ایک ایک گوشہ رِضائے اِلٰہی میں راضی رہنے کا دَرْس دیتاہے۔آپ عَلَیْہِ السَّلَام کا ہرحال میں راضی بَرضائے اِلٰہی رہنے کاجَذبہ صَدْ کروڑ مَرحبا! کاش! کہ ہم بھی آپ عَلَیْہِ السَّلَام کی طرح اپنے مولیٰ  عَزَّ  وَجَلَّکی رِضا میں راضی رہنے والے بن جائیں، کاش!کہ ہم بھی اِطاعتِ اِلٰہی سے مَعْمُورزِندگی بَسرکرنے والےبن جائیں۔