دعوتِ اسلامی،خِدْمتِ دین کےکم وبیش 97شُعبوں میں سُنَّتوں کی خِدْمت میں مَشغول ہے۔ان تمام شُعْبہ جات کوچلانے کیلئے ماہانہ کروڑوں  روپے کے اَخْراجات  ہوتے ہیں۔ہمیں بھی حُصُولِ ثواب کی  خاطِر دعوتِ اسلامی کے مدنی کاموں کی ترقّی کیلئے اپنے گھر،رِشتہ داروں اور اَہلِ مَحلہ کے ساتھ ساتھ مُختلف عَلاقوں میں جاجاکر دعوتِ اسلامی کے  شُعْبہ جات کا تَعارُف کرواتے ہوئے قُربانی کی کھالیں جَمْع کرنے کی بھرپورکوشش بھی کرنی ہےاوراپنے عزیز و اقارِب کویہ ترغیب بھی دِلانی ہے کہ وہ بھی اپنی قربانی کے جانور کی کھال دعوتِ اسلامی کو دے کرنیکی کے کاموں میں بڑھ چڑھ کر حصّہ لینے کی سعادت حاصل کریں ۔اللہ عَزَّ  وَجَلَّہمیں عمل کی توفیق عطا فرمائے۔ اٰمِیْن بِجاہِ النَّبِیِّ الْاَمِیْن صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ

صَلُّوْا عَلَی الْحَبِیْب!                                                                                                صَلَّی اللّٰہُ تَعَالٰی عَلٰی مُحَمَّد

بیان کا خُلاصہ:

میٹھے میٹھے اسلامی  بھائیو! آج ہم نے حضرت سَیِّدُنا اِبْراہیمعَلَیْہِ السَّلَام کی قُربانیوں کے بارے میں سُنااورضِمْناً ان سے مُتَعَلِّق مدنی پُھول حاصل کیے۔آپ عَلَیْہِ السَّلَام  نے اپنی  ساری زِنْدگی اِطاعتِ خُداوَنْدی اوررِضائے اِلٰہی میں بَسرفرمائی۔وَقْتاًفَوَقْتاً مَصائب ومُشکلات کاسامنا ہوا مگرآپ نے صَبْروشُکْر اور رِضائے اِلٰہی میں راضی رہنے کوتَرجیح دی اورکبھی حَرفِ شکایت زَباں پرنہ  لائے ۔  ہمیں بھی چاہیے کہ اپنی زِنْدگی کو اِطاعتِ اِلٰہیمیں گُزاریں ،ہر مُعاملے میں  نبیِّ کریم صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کی  سُنَّتوں کی پیروی کرتےرہیں۔آزمائشوں پر صَبْراورنعمتیں ملنے پرشُکر ِ اِلٰہی بَجالائیں تواِنْ شَآءَ اللہعَزَّ  وَجَلَّ دونوں جہاں میں سَعادتیں ہمارا مُقدَّرہوں گی۔

صَلُّوْا عَلَی الْحَبِیْب!                                                                                                صَلَّی اللّٰہُ تَعَالٰی عَلٰی مُحَمَّد