کےاس فرمان کہ”کوئی وہ ہےجسے سب پردَرَجوں بُلندکیا“کےمُتَعَلِّق فرماتے ہیں:اس سے مُرادحُضُور پُرنُورسَیّدِاَنْبیاءمحمدِمُصْطفٰےصَلَّی اللہُ تَعَالٰی عَلَیْہِ وَاٰلِہٖ وَسَلَّمَ ہیں کہ آپ کوبَدَرَجاتِ کَثیرہ(بہت سے دَرَجوں کے سبب)تمام اَنْبیاء عَلَیْہِمُ السَّلَام پراَفْضَل کِیا۔اس پرتَمام اُمَّت کااِجْماع ہے اوربکثرت اَحادِیْث سےثابت ہے۔حُضُورعَلَیْہِ الصَّلٰوۃُ وَالسَّلَامکےوہ خَصائِص وکَمالات جن میں آپعَلَیْہِ الصَّلٰوۃُ وَالسَّلَام تَمام اَنْبیاء پرفائِق و اَفْضل ہیں اورآپ عَلَیْہِ الصَّلٰوۃُ وَالسَّلَام کا کوئی شریک (یعنی ہم پلّہ)نہیں ،بے شُمارہیں کہ قرآنِ کریم میں یہ اِرْشادہوا”دَرَجوں بُلندکیا“ان دَرَجوں کی کوئی شُمارقرآنِ کریم میں ذِکْرنہیں فرمائی تواب کون حَد لگاسکتاہے۔(خزائن العرفان، پارہ:۳، بقرہ: تحت الآیہ:۲۵۳، ملتقطاً)

میٹھےمیٹھے اسلامی  بھائیو!مَعْلُوم ہوا کہ ہمارے پیارےآقاومَولیٰصَلَّی اللہُ تَعَالٰی عَلَیْہِ وَاٰلِہٖ وَسَلَّمَ تمام اَنْبیاء عَلَیْہِمُ السَّلَام سے اَفْضل ہیں۔یہاں تک کہ جنابِ اِبْراہیم عَلٰی نَبِیِّنَاوَعَلَیْہِ الصَّلٰوۃُ وَالسَّلَامکوبھی جو خَصائِص و کَمالات اور بُلندمَراتِب حاصل ہوئے وہ بھی ہمارےآقا صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کا صَدْقہ ہے۔کیونکہ آپ صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کے صَدْقےسے ہی دُنْیَاوَمَافِیْہَا(دُنیا اور جو کچھ اس میں ہے سب)کوپیداکیا گیا۔اَعْلیٰ حضرت اِمام احمدرضاخانرَحْمَۃُ اللّٰہ ِتَعَالٰی عَلَیْہ اسی حقیقت کی طرف اِشارہ کرتے ہوئے فرماتے ہیں:

ہوتے کہاں خلیل و بِنا، کَعبہ و مِنیٰ

لَوْلاک والے صاحِبی سب تیرے گھر کی ہے

)حدائقِ بخشش، ص۲۰۳)

بنے دوجہاں تمہارے لیے:

          یعنی اَعْلیٰ حضرترَحْمَۃُ اللہِ تَعَالٰی عَلَیْہ یہ فرما رہے ہیں:ہر کسی کاوُجُودحُضُور عَلَیْہِ الصَّلٰوۃُ  وَالسَّلَام کے