اللہُ تَعَالٰی عَنْہَا نے آپ کو پُکارا مگرآپ نے کوئی جواب نہیں دیا۔آخرمیں حضرت ہاجرہرَضِیَ اللہُ تَعَالٰی عَنْہَانے سُوال کیا کہ آپ اِتنا فرما دیجئے کہ آپ نے اپنی مَرضی سے ہمیں یہاں لا کر چھوڑا ہے یا خُداوَنْدِ قُدُّوْس عَزَّوَجَلَّ کے حکم سے آپ نے ایسا کیا ہے؟ تو آپ عَلَیْہِ السَّلَام نے فرمایا کہ اے ہاجرہ ! میں نے جو کچھ کیا ہے وہ اللہ عَزَّ  وَجَلَّ کےحکم سے کیا ہے۔یہ سُن کرحضرت ہاجرہ رَضِیَ اللہُ تَعَالٰی عَنْہَا نے کہا کہ اب آپ جایئے، مجھے یقینِ کامل اورپُورا پُورااِطْمینان ہے کہ اللہکریم عَزَّ  وَجَلَّ مجھے اور میرے بچے کو ضائِع نہیں فرمائے گا۔ چند دنوں میں کھجوریں اورپانی خَتْم ہوجانے پرحضرت ہاجرہ رَضِیَ اللہُ تَعَالٰی عَنْہَاپر بُھوک اور پیاس کا غَلَبہ ہوا اور ان کے سینے میں دُودھ خُشک ہوگیا اور بچہ بُھوک و پیاس سے تڑپنے لگا۔ حضرت ہاجرہ رَضِیَ اللہُ تَعَالٰی عَنْہَا نے پانی کی تلاش و جُسْتجو میں سات (7)چکر صَفا ومَرْوَہ کی دونوں پہاڑیوں کے لگائے، مگر پانی کا کوئی سُراغ دُور دُور تک نہیں ملا۔حضرت اِسْمٰعِیْل عَلَیْہِ السَّلَام پیاس کی شدت سے ایڑیاں پٹک پٹک کر رو رہے تھے۔ حضرت جبرئیل عَلَیْہِ السَّلَام نےآپ کی اَیڑیوں کے پاس زَمین پراپناپیرمارکرزمزم کا چَشْمہ جاری کردیا۔ایک روایت کے مُطَابِق حضرت اسمعیل عَلَیْہِ الصَّلٰوۃُ وَالسَّلَام  کی ایڑی سے جاری ہوا(مراٰۃ المناجیح ،۴/۶۷) اس پانی میں دُوْدھ کی خاصِیَّت تھی کہ یہ غِذا اورپانی دونوں کا کام کرتا تھا۔چنانچہ یہی زَمْزَ مْ کا پانی پی پی کرحضرت ہاجرہ رَضِیَ اللہُ تَعَالٰی عَنْہَااورحضرت اِسْمٰعِیْل عَلَیْہِ السَّلَام زِنْدہ رہے۔یہاں تک کہ حضرت اِسْمٰعِیْلعَلَیْہِ السَّلَام جوان ہو گئے اور شِکار کرنے لگے تو شِکار کے گوشت اور زَمْزَ  مْ کے پانی پر گُزر بَسر ہونے لگی۔پھر قبیلۂ جُر ْہُم کے کچھ لوگ اپنی بکریوں کو چَراتے ہوئے اس میدان میں آئے اور پانی کا چَشْمہ دیکھ کر حضرت ہاجرہ رَضِیَ اللہُ تَعَالٰی عَنْہَا کی اِجازت سےیہاں آباد ہو گئے اوراس قبیلہ کی ایک لڑکی سے حضرت اِسْمٰعِیْل عَلَیْہِ السَّلَام کی شادی بھی ہو گئی اور رَفْتہ رَفْتہ یہاں ایک آبادی ہو گئی۔(عجائب القرآن مع غرائب القرآن، ص۱۴۵، ملخصاً)

صَلُّوْا عَلَی الْحَبِیْب!                                                                                                صَلَّی اللّٰہُ تَعَالٰی عَلٰی مُحَمَّد