سبب وہ حدیثِ پاک ہے جو میں نے رَسُولُاللہ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ سے سُنی ہے کہ آپ نے ارشاد فرمایا: ”اِنَّ اَدْنیٰ الرِّیَاءِ شِرْکٌ“یعنی اَدْنیٰ رِیا بھی شِرک ہے۔“(المستدرک ، کتاب معرفة الصحابة،استخلف رسول اللہ صلی اللہ  علیہ وسلم معاذ بن جبل علی مکة،۴/ ۳۰۶، حدیث :۵۲۳۱)

1. سَیِّدُ المُبلِّغین،رَحْمَۃٌ لِّلْعٰلَمِیْن صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کا فرمانِ عالیشان ہے :''جنّت کی خُوشبو پانچ سو برس کی مسافت سے سُونگھی جاسکتی ہے،مگر آخرت کے عمل سے دُنیا طلب کرنے والا اسے نہ پاسکے گا۔'' (کنزالعمال،کتاب الاخلاق،قسم الاقوال ،باب الریاء،الحدیث:۷۴۸۹،ج۳،ص۱۹۰)
2. رسولِ اکرم،نُورِ مجسَّم ،شاہ ِبنی آدم صَلَّی اللّٰہُ تَعَالٰی عَلَیْہِ واٰلِہٖ وَسَلَّمَکافرمانِ عالیشان ہے :’’جو شہرت کے لئے عمل کریگا،اللہ عَزَّ  وَجَلَّ اسے رُسْوا کریگا، جو دِکھاوے کے لئے عمل کریگا،اللہ عَزَّ  وَجَلَّ اسے عذاب دے گا ۔‘‘ (جامع الاحادیث،قسم الاقوال،الحدیث:۲۰۷۴۰،ج۷،ص۴۴)

بنادے مجھ کو الٰہی خُلوص کا پیکر                   قریب آئے نہ میرے کبھی رِیا یارَبّ!

اَندھیری قَبْر کا دل سے نہیں نکلتا ڈر               کروں گا کیا جو تُو ناراض ہو گیا یارَبّ!

                                                                                                                 (وسائلِ بخشش، ص ۷۸)

صَلُّوْا عَلَی الْحَبِیْب!                                   صَلَّی اللّٰہُ تَعَالٰی عَلٰی مُحَمَّد

میٹھے میٹھے اسلامی  بھائیو!دیکھا آپ نے  رِیاکاری کیسی منحوس آفت ہے کہ اس کے سبب نیک اَعْمال قبول نہیں ہوتے، رِیاکاری کرنے والا جنَّت سے محروم رہتا ہے، اسے  بروزِ قیامت رُسوا کیا جاۓ گا ، رِیا کاری کے سبب نیک عمل اللہ عَزَّ  وَجَلَّکی بارگاہ میں ایسا مَردُود ہوتاہے کہ اس پر کوئی بھی اَجْرو ثواب نہیں ملتا بلکہ رِیاکاری والاعمل اللہ عَزَّوَجَلَّ کی ناراضی کا سبب ہے۔

چُنانچہ دعوتِ اسلامی کے اِشَاعتی اِدارے مکتبۃُ المدینہ کی مطبوعہ 1286صفحات پر مُشتمل کتاب ”اِحْیاءُ