نہیں لیتے کہ وہ ہمیں مُفْت یاسستے داموں میں  دے؟اگر ان سُوالات کے جوابات ،ہاں میں آئیں تو فوراً سے پیشتر توبہ کر لیجئے اور حُصُولِ اِخلاص کی کوشِشوں میں لگ جائیے ۔ کہیں ایسا نہ ہو کہ توبہ سے پہلے موت آجائے اور رِیاکاری کے سبب دوزخ میں ڈال دیا جائے۔(نیکی کی دعوت ص82)

عَطا کردے اِخْلَاص کی مجھ کو نعمت                نہ نزدیک آئے رِیا یاالٰہی

مری زِنْدگی بس تری بندگی میں                 ہی اے کاش گُزرے سَدا یاالٰہی

                                                                                                     (وسائلِ بخشش)

مَرضِ ریا کا علاج کیجئے

میٹھے میٹھے اسلامی  بھائیو!اگر ہم اپنے دل میں مرضِ رِیا کی علامات محسوس کریں تو بعدِ توبہ، عِلاج میں دیر نہیں کرنی چاہئے۔جب ہم اپنے باطِن کو پاکیزہ کرنے کی کوشِش کریں گے تو اِنْ شَآءَ اللہ عَزَّوَجَلَّہمارا ظاہِر بھی سُتھرا ہوجائے گا۔شَہَنشاہِ مدینہ،قرارِ قلب و سینہ صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ  کافرمانِ باقرینہ ہے:’’جو اپنے باطِن کی اِصلاح کرے گا تو اللہ عَزَّ  وَجَلَّ اُس کے ظاہِر کی(بھی)اِصلاح فرما دے گا۔‘‘ (اَلْجامِعُ الصَّغِیر لِلسُّیُوطی ص۵۰۸حدیث ۸۳۳۹)(نیکی کی دعوت ص 83)

 آئیے!ریاکاری کی تباہ کاریوں سے پیچھا چُھڑانے کیلئے اس کے چند عِلاج سُنتے ہیں۔

(1)دُعاکے ذَرِیعے مددطلب کیجئے!

رِیاکاری کا سب سے پہلا عِلاج یہ ہے کہ خُدائے غفّارعَزَّوَجَلَّ کے دربارِ کرم بارمیں یُوں دُعا کیجئے: یاربِّ مُصْطَفٰے(عَزَّوَجَلَّ و صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ)!مجھے رِیاکاری کی بیماری سے شِفا عطافرما،میری خالی جھولی اِخلاص کی لازوال دولت سے بھر دے۔ میرا سامنا اُس دشمن(یعنی شیطان)سے ہے جو مجھے دیکھتا ہے مگر خُود دِکھائی نہیں دیتا، لیکن تُو اُس کو مُلاحَظہ فرما رہا ہے،اے اللہ عَزَّ