اَسباب ہیں،اگراِن تینوں سےجان چُھڑا لی جائےتواِنْ شَآءَاللہعَزَّ  وَجَلَّ رِیاکاری سے بچنا بے حدآسان ہوجائے گا۔وہ تین اسباب یہ ہیں:(۱)حُبِّ جاہ یعنی شُہرت کی خواہِش(۲)مَذَمَّت کا خوف اور(۳)مال ودولت کی حِرص۔ (نیکی کی دعوت ص86)

پیچھا مِرا دُنیا کی مَحَبَّت سے چُھڑا دے              یا رَبّ مجھے دیوانہ مدینے کا بنا دے

                                                                                                                           (وسائلِ بخشش، ص ۱۱۲)

صَلُّوا عَلَی الْحَبیب! صَلَّی اللّٰہُ تَعَالٰی عَلٰی مُحَمَّد

(4)اپنے اعمال میں اِخلاص پیدا کیجئے

رِیاکاری کا چوتھا عِلاج ،اِخلاص ہے ۔ چُنانچہ سرکارِ والا تَبار،بے کسوں کے مددگار صَلَّی اللّٰہُ تَعَالٰی عَلَیْہِ واٰلِہٖ وَسَلَّمَ کافرمانِ عبرت نشان ہے:اے لوگو!اللہ عَزَّ  وَجَلَّکے لئے اِخْلاص کے ساتھ عمل کرو ،کیونکہ اللہ عَزَّوَجَلَّ وُہی اعمال قَبول فرماتا ہے ،جو اُس کے لئے اِخلاص کے ساتھ کئے جاتے ہیں اور یہ مت کہا کرو کہ میں نے یہ کام اللہ عَزَّ  وَجَلَّ  اور رِشْتہ داری کی وجہ سے کیا ہے ۔“(سُنَنِ دارقطنی ج۱ ص۷۳، حدیث۱۳۰)(نیکی کی دعوت ص89)

مُخلص کسے کہتے ہیں؟

 کسی بُزرگ سے پوچھا گیا کہ مُخلص کون ہے؟ تو اُنہوں نے اِرشاد فرمایا:مُخلص وہ ہے جو اپنی نیکیاں اس طرح چُھپائے جس طرح اپنی بُرائیاں چُھپاتاہے۔ایک اور بُزرگ رَحْمَۃُ اللہِ تَعَالٰی عَلَیْہسے عَرض کی گئی:اِخلاص کی اِنتِہا کیا ہے؟ تو اُنہوں نے اِرْشادفرمایا: وہ یہ کہ تم لوگوں سے تعریف کی خواہش نہ کرو۔ (الزواجر، الکبیرۃ الثانیۃ الشرک الاصغر…الخ،خاتمۃ فی الاخلاص،ج۱، ص۹۰) (نیکی کی دعوت ص 91)

یکساں ہو مَدْح و ذَم مجھ پہ کر دو کرم                نہ خُوشی ہو نہ غم تاجدارِ حرم

                                                                                           (وسائلِ بخشش)

صَلُّوا عَلَی الْحَبیب! صَلَّی اللّٰہُ تَعَالٰی عَلٰی مُحَمَّد