دل بھرا آتا ہے یامحبوبِ سبحاں لے خبر

استغاثہ

دل بھرا آتا ہے یامحبوبِ سبحاں لے خبر

لے خبر شاہِ مدینہ اے مِری جاں لے خبر

لے خبر سلطانِ عالَم لے خبر سلطانِ دیں

لے خبر سردارِ کُل محبوبِ رَحماں لے خبر

گَورِ تِیرہ میں فقیرِ بے نوا کا کون ہے؟

ماہِ تاباں لے خبر ماہِ دَرَخشاں لے خبر

پُرسِشِ اعمال کا ہے وقت مولیٰ المدد

کھل رہی ہے مجرموں کی فَردِ عصیاں لے خبر

کہہ رہا ہے یوں زبانِ حال سے ہر مُوئے تَن

لے خبر اے تاج والے! شاہِ خُوباں لے خبر

یاشفیعَ الْمُذْنِبِیں یارَحمۃً لِّلْعَالَمِیں

تیرے صدقے تجھ پہ قرباں ہو میری جاں لے خبر

سیکڑوں رضوی زِیارت سے مُشَرَّف ہوچکے

میں بھی ہوں ادنیٰ سگِ احمد رضا خاں لے خبر

از مولانا سید ایوب علی رضوی رحمۃُ اللہِ علیہ

شمائمِ بخشش ، ص38

مشکل الفاظ کے معانی : باغِ فِردوس : جنت کا باغ۔ مُداوَمَت : پابندی۔ محمود : قابلِ تعریف ، اچھی۔ عاقبت : آخرت۔ سرفراز ، سُرخرو : کامیاب۔ مُعاوَنت : مدد۔ گَورِ تیرہ : اندھیری قبر۔ فقیرِ بےنوا : بے سر و سامان فقیر۔ ماہِ تاباں ، ماہِ دَرَخشاں : روشن اور چمکدار چاند۔ پُرسِشِ اعمال : اعمال کے بارے میں پوچھ گچھ۔ فَردِ عصیاں : گناہوں کا رجسٹر۔ زبانِ حال سے کہنا : کسی بات کا حالت سے ظاہر ہونا۔ ہر مُوئے تَن : جسم کا ہر بال۔ یاشفیعَ الْمُذْنِبِیں : اے گناہ گاروں کی شفاعت کرنے والے۔

 

Share

Articles

Comments


Security Code