Book Name:Khuda Ko Razi Karne Wale Kaam
پیارے اسلامی بھائیو! اچھی نیت بندے کو جنّت میں پہنچا دیتی ہے، بیان سننے سے پہلے کچھ اچھی اچھی نیتیں کر لیجئے! مثلاً نیت کیجئے: * رِضَائے اِلٰہی کے لئےپورا بیان سُنوں گا * عِلْمِ دین سیکھوں گا * ادب سے بیٹھوں گا * نصیحت حاصِل کروں گا * اَحْمَدِ مجتبیٰ، مُحَمَّدِ مصطفےٰ صَلَّی اللہُ عَلَیْہِ وَ آلِہٖ وَسَلَّم کا نامِ پاک سُن کر درودِ پاک پڑھوں گا۔
صَلُّوْا عَلَی الْحَبِیْب! صَلَّی اللہُ عَلٰی مُحَمَّد
آہ...!رَمضَان رُخصت ہو گیا...!!
پیارے اسلامی بھائیو! کچھ ہی دِن پہلے کی بات ہے، عاشقانِ رمضان مُنْتَظِر تھے کہ رَمضَانُ المُبَارَک آنے والا ہے۔ رَمضَانُ المُبَارَک کی تیاری کی جا رہی تھی....!! اور اب دیکھئے! یہ مُقَدَّس، مُبَارَک مہمان مہینہ ہمیں جُدائی کا داغ دے کر رُخصت بھی ہو چکا ہے۔ اب پورے 11 ماہ بعد یہ مُقدَّس مہینا دوبارہ تشریف لائے گا، پِھر خوشیاں ہوں گی، رحمتیں ہوں گی، برکتیں ہوں گی مگر...!! افسوس! نہ جانے ہم یہ برکتیں دیکھ پائیں گے یا اس سے پہلے ہی موت کا ذائقہ چکھ کرقبر میں اُتر چکے ہوں گے...!!
جب گزر جائیں گے ماہ گیارہ تیری آمد کا پھر شور ہوگا
کیا مِری زندگی کا بھروسا اَلوداع اَلوداع آہ! رَمضاں([1])
صَلُّوْا عَلَی الْحَبِیْب! صَلَّی اللہُ عَلٰی مُحَمَّد
ایک بزرگ رَحمۃُ اللہِ عَلَیْہ فرماتے ہیں :پہلے کے لوگ رَمضَانُ المُبَارَک سے پہلے 6مہینے رَمَضان شریف کو پانے کی اور رَمضَانُ المُبَارَک کے بعد 6مہینے رَمضَان کی عبادت قبول