Book Name:Ramadan Sudharne Ka Mahina Hai
کر دی جاتی ہے اور یہ سب مغفرت پانے والے وہ ہیں جن پر جہنّم واجب ہو چکی تھی۔([1])
کاش! ماہِ رَمضَان میں مغفرت کی خیرات پانے والے خوش نصیبوں میں ہمارا بھی نام شامِل ہو جائے۔ اٰمِیْن بِجَاہِ خَاتَمِ النَّبِیّٖن صَلَّی اللہُ عَلَیْہِ وَ آلِہٖ وَ سَلَّم۔
گھر پر ہمارے رب کا، مہمان آ گیا ہے مولیٰ سے بخشوانے، رَمضَان آ گیا ہے
رَحمت کے دَر کُھلے ہیں، شام و سَحر کِھلے ہیں قُربِ خدا کا لے کے، سامان آ گیا ہے
لُطف و کَرم کے دَھارے، رَحمت کے یہ نَظارے بندوں پہ اب خدا کا، فیضان آ گیا ہے
دل کی کریں صفائی، مل جائے گی رہائی کرنے ہماری مشکل، آسان آ گیا ہے
ہرسُو خدا کی رَحمت، رَمضَان کی ہے برکت اس ماہ میں تصدقؔ! قرآن آ گیا ہے
صَلُّوْا عَلَی الْحَبِیْب! صَلَّی اللہُ عَلٰی مُحَمَّد
نِرالا فرشتہ اور 2 صندوق
مِعْراج شریف کی روایات میں ہے، مِعْراج کے دولہا، مکی مَدَنی مصطفےٰ صَلَّی اللہُ عَلَیْہِ وَ آلِہٖ وَ سَلَّم نے سِدْرَۃُ الْمُنْتہیٰ کے قریب ایک فرشتہ دیکھا، آپ فرماتے ہیں: لَمْ اَرَ مِثْلَہٗ یعنی ایسا نِرالا فرشتہ میں نے کبھی نہیں دیکھا تھا، یہ جب تسبیح کرتا تو اس کی خوب صُورت آواز سے عرش بھی جھوم جاتا تھا، میں نے جبریلِ امین عَلَیْہ ِالسَّلام سے پوچھا: اَیُّ خَلْقٍ ہٰذَا یعنی اے جبریل! یہ کون سی مخلوق ہے؟ عرض کیا: یہ ایک فرشتہ ہے جو حضرت آدم عَلَیْہ ِالسَّلام سے دو ہزار سال پہلے پیدا کیا گیا تھا، میں نے پوچھا: اس سے پہلے یہ کہاں تھا؟ عرض کیا: اللہ پاک نے عرش کے نیچے جنّت میں ایک جگہ بنائی ہے، یہ وہیں ہوتا ہے، آج آپ کے دِیدار کیلئے یہاں حاضِر ہوا ہے۔ رسولِ ذیشان، مکی مَدَنی سلطان صَلَّی اللہُ عَلَیْہِ وَ آلِہٖ وَ سَلَّم فرماتے