یہ واقعہ بیان کرنے کے بعد حضرت اِمام جعفر صادِق رَحمۃُ اللہِ عَلَیْہ نے فرمایا: تم چاہو تو میں بھی تمہیں پرندے(Birds) زندہ کر کے دِکھا دُوں؟ لوگوں نے عرض کیا: جی ہاں! ضرور دکھا دیجئے!  اب حضرت اِمام جعفر صادِق رَحمۃُ اللہِ عَلَیْہ نے ایک مور، ایک کوّا، ایک باز اور ایک کبوتَر لیا، انہیں ذبح کر کے ان کا قیمہ (Minced Meat)بنانے کا حکم فرمایا اور ان کے سَر الگ  الگ محفوظ فرما لئے۔ جب ان سب کا قیمہ بنا کر ایک دوسرے کے ساتھ مِلا دیا گیا تو آپ نے باری باری چاروں پرندوں کو آواز دی: اے مور! اے کوّے! اے باز! اے کبوتَر! یُوں آپ آواز دیتے گئے اور ہر پرندے کا گوشت (Meat)اُڑ کر اپنے اپنے سَر کے ساتھ جڑتا گیا، یوں چاروں پرندے جن کو ذبح کر کے قیمہ بنایا جا چکا تھا، حضرت اِمام جعفر صادِق رَحمۃُ اللہِ عَلَیْہ کی کرامت سے فورًا زندہ ہو گئے۔^([1])

نوٹ: خلاف ِعادت بات جو اللہ پاک کے ولی سے  ظاہر ہو اُسے کرامت کہتے ہیں۔^([2])

مِلّت کے رہنما ہیں، حضرت اِمام جعفر                               سردارِ اَوْلیا ہیں حضرت اِمام جعفر

سینہ بسینہ پہونچی، حسنین کی وراثت                                             فرزندِ مرتضیٰ ہیں، حضرت  اِمام جعفر^([3])

*-*-*-

کرامتِ اِمام جعفر                     مرحبا! مرحبا!                                            سِیادتِ اِمام جعفر                      مرحبا! مرحبا!

برکت ِ اِمام جعفر                            مرحبا! مرحبا!                                            عظمت ِ اِمام جعفر                       مرحبا! مرحبا!

                                                                                                          فیضانِ جعفرِ صادِق                  جاری رہے گا!                                

صَلُّوا عَلَی الْحَبیب!                                               صَلَّی اللّٰہُ عَلٰی مُحَمَّد