ہونے کے مُتَعَلِّق غور کیا۔ پِھر آپ جنّت و دوزخ اور میزانِ عمل کے مُتَعَلِّق غور و فِکْر کرنے لگے، یہ غور کرتے کرتے آپ پر خوفِ خُدا کا غلبہ ہوا اور آپ نے شِدّتِ غم سے فرمایا: کاش! میں کوئی سبزہ ہوتا، مجھے جانور کھا لیتے...!! کاش! مجھے پیدا ہی نہ کیا جاتا۔ اس پر یہ آیتِ کریمہ نازِل ہوئی، اللہ پاک نے فرمایا: ^([1])  

وَ لِمَنْ خَافَ مَقَامَ رَبِّهٖ جَنَّتٰنِۚ(۴۶) (پارہ:27، الرَّحمٰن:46)

تَرجَمہ کَنْزُ الْعِرْفان: اور جو اپنے رب کے حضور کھڑے ہونے سے ڈرے اس کیلئے دو جنتیں  ہیں ۔

پیارے اسلامی بھائیو! یہ کتنا خوبصُورت انداز ہے...!! کیسی پیاری جزا ہے۔جو اللہ پاک کی بارگاہ میں حاضِری سے ڈرے، اس کیلئے 2جنتیں ہیں۔ کاش! ہمیں بھی یہ خوف نصیب ہو جائے۔ ہم بھی قیامت کے ہولناک مَنَاظرکا تصَوُّر باندھا کریں،  میدانِ محشر، میزانِ عمل، جنّت، دوزخ اور پُل صِراط وغیرہ کو یاد کیا کریں، اس کی برکت سے اِنْ شَآءَاللہُ الْکَرِیْم! خوفِ خُدا نصیب ہو گا اور اللہ پاک نے چاہا تو ہم بھی 2جنتوں کے حق دار بن جائیں گے۔

تیرے ڈر سے سدا تھر تھراؤں                                                                خوف سے تیرے آنسو بہاؤں

کیف ایسا دے، ایسی ادا کی                                                                              میرے    مولیٰ    تُو     خیرات     دیدے^([2])

صَلُّوا عَلَی الْحَبیب!                                               صَلَّی اللّٰہُ عَلٰی مُحَمَّد

اِمام جعفر صادق رَحمۃُ اللہِ عَلَیْہ کی 3 عبادتیں

پیارے اسلامی بھائیو! اِمام جعفر صادِق رَحمۃُ اللہِ عَلَیْہچونکہخوفِ خُدا والے تھے،لہٰذا آپ وقت ضائع نہیں کرتے تھے، اپنا اَکْثَر بلکہ سارا ہی وقت نیکیوں میں گزارا کرتے تھے۔ اِمام