پیارے اسلامی بھائیو! جوخوفِ خُدا سے روتے ہیں، ان کی اپنی تو کیا شان ہے، ان کے صدقے دوسروں پر بھی کرم ہو جاتا ہے۔ ایک مرتبہ آخری نبی ، مکی مدنی صَلَّی اللہُ عَلَیْہِ وَ آلِہٖ وَ سَلَّم   بیان فرما رہے تھے، آپ کی پیاری پیاری گفتگو سُن کر حاضِرِین میں سے ایک شخص رَو پڑا، یہ دیکھ کر آپ صَلَّی اللہُ عَلَیْہِ وَ آلِہٖ وَ سَلَّم نے فرمایا: اگر آج تمہارے درمیان وہ تمام مسلمان موجود ہوتے جن کے گُنَاہ پہاڑوں (Mountains)کے برابر ہیں تو انہیں اس ایک شخص کے  رونے کی وجہ سے بخش دیا جاتا کیونکہ فرشتے بھی اس کے ساتھ رو رہے تھے اور دُعا کر رہے تھے: اے اللہ پاک! جو کثرت سے روتے ہیں، نہ رونے والوں کے حق میں ان کی شفاعت قبول فرما۔^([1])   حضرتِ مولاناروم رَحمۃُ اللہِ عَلَیْہ  فرماتے ہیں:

ھَر کُجا آبِ رَواں غُنچہ بُوَد    ھَر    کُجا   اشکِ   رَواں   رَحْمَت   بُوَد

ترجمہ:جب آسمان سے بارش برستی ہے توزمین پر غنچے اور گل کھلتے ہیں اور جب خوفِ خدا سے کسی کے آنسو جاری ہوتے ہیں تو رحمت کے پھول کھلتے ہیں۔

جو کہ خوفِ خُدا سے روتا ہو                                                                             قابِلِ احترام ہوتا ہے

جو برے خاتمے سے ڈرتا ہو                                                                     قابِلِ احترام ہوتا ہے

صَلُّوْا عَلَی الْحَبِیْب!                                               صَلَّی اللہُ عَلٰی مُحَمَّد

خوفِ خُدا میں رونے کے طریقے

پیارے اسلامی بھائیو! ہمیں بھی چاہئے کہ خوفِ خُدا سے رویا کریں، آنسو بہایا کریں، اِنْ شَآءَاللہُ الْکَرِیْم! ثواب بھی ملے گا اور اللہ پاک نے چاہا تو جہنّم سے نجات بھی مل جائے گی*تنہائی میں بیٹھ جائیں *قبر کے اَحْوال پر غور و فِکْر کریں *قبر کی تنگی*وحشت و