تنہائی کو یاد کریں *رُوح نکلنے کی مشکلات  اور تکلیفوں کو سوچیں *اپنے گُنَاہوں کو یاد کریں *روزِ قیامت  اللہ پاک کی بارگاہ میں حاضِری کا منظر ذہن میں لائیں *قیامت کی ہولناکیوں کا تصَوُّر باندھنے کی کوشش کریں *جہنّم کے عذابات پڑھیں *انہیں بار بار ذہن میں لاتے رہیں *قرآنِ کریم کی تِلاوت کثرت سے کرنے کی عادَت بنائیں، اِنْ شَآءَاللہُ الْکَرِیْم! خوفِ خُدا سے رونا نصیب ہو جائے گا۔

تُو ڈر اپنا عنایت کر، رہیں اس ڈر سے آنکھیں تَر                                          مٹا      خوفِ      جہاں        دِل       سے،     مٹا       دُنیا       کا       غم        مولیٰ! ^([1])

صَلُّوْا عَلَی الْحَبِیْب!                                               صَلَّی اللہُ عَلٰی مُحَمَّد

جب ان کا یہ عالَم ہے تو ...

اپنے دَور کے بہت بڑے عالِم اور ولئ کامِل حضرت داؤد طائیرَحمۃُ اللہِ عَلَیْہ نے ایک مرتبہ اِمام جعفر صادِق رَحمۃُ اللہِ عَلَیْہکی خِدْمت میں عرض کی: عالی جاہ! آپ اَہْلِ بیتِ پاک (یعنی رسول اللہ صَلَّی اللہُ عَلَیْہِ وَ آلِہٖ وَسَلَّم   کی اولاد  )میں سے ہیں ، لہٰذا مجھے کچھ نصیحت فرما دیجئے! اِمام جعفر صادِق رَحمۃُ اللہِ عَلَیْہ خاموش رہے، پِھر عرض کیا: عالی جاہ! آپ اَہْلِ بیت پاک میں سے ہیں، مجھے کوئی نصیحت فرما دیجئے! اس پر اِمام جعفر صادِق رَحمۃُ اللہِ عَلَیْہ نے فرمایا: میں تَو خُود خوفزدہ ہوں کہ اگر قیامت کے دِن میرے جدِّ اَعْلیٰ (یعنی محمد مصطفےٰ صَلَّی اللہ ُعَلَیْہِ وَ آلِہٖ وَسَلَّم) نے میرا ہاتھ پکڑ کر یہ پوچھ لیا کہ تُو نے میری پیروی کا حق کیوں ادا نہیں کیا تو میں کیا جواب دُوں گا؟ یہ سُن کر حضرت داؤد طائی رَحمۃُ اللہِ عَلَیْہ  رَو پڑے کہ اِمام جعفر صادِق رَحمۃُ اللہِ عَلَیْہ اتنے بلند رُتبہ ہو کر بھی خوف زَدہ ہیں تو میں کس گنتی میں آتا ہوں۔^([2])