Surah Luqman Ayat 1 Urdu Translation Tafseer

Para 21 - اُتْلُ مَاۤ اُوْحِیَ

سورة لقمن

Audio PDF

بِسْمِ اللّٰهِ الرَّحْمٰنِ الرَّحِیْمِ

31.1-3

الٓمّٓۚ (1) تِلْكَ اٰیٰتُ الْكِتٰبِ الْحَكِیْمِۙ (2) هُدًى وَّ رَحْمَةً لِّلْمُحْسِنِیْنَۙ (3)

Kanz ul Iman Kanz ul Irfan

کنزالعرفان

الم۔ یہ حکمت والی کتاب کی آیتیں ہیں ۔ نیکوں کیلئے ہدایت اور رحمت ہیں۔

تفسیر : ‎صراط الجنان

{الٓمّٓ} یہ حروفِ مُقَطَّعات میں سے ایک حرف ہے،ا س کی مراد اللہ تعالیٰ ہی بہتر جانتا ہے۔

{تِلْكَ اٰیٰتُ الْكِتٰبِ الْحَكِیْمِ: یہ حکمت والی کتاب کی آیتیں ہیں ۔} اس آیت اور اس کے بعد والی آیت کا خلاصہ یہ ہے کہ اس سورت کی آیتیں اس کتاب کی آیتیں ہیں جو حکمت والی ہے اور نیک اعمال کرنے والوں کے لئے ہدایت اور رحمت ہیں ۔( جلالین، لقمان، تحت الآیۃ: ۲-۳، ص۳۴۵، روح البیان، لقمان، تحت الآیۃ: ۲-۳، ۷ / ۶۲-۶۳، ملتقطاً)

قرآنِ کریم کی شان:

معلوم ہو اکہ قرآنِ مجید ایسی عظیم الشّان کتاب ہے کہ اس میں فلاح و کامیابی حاصل کرنے کے تمام ترسامان موجود ہیں اور نیک لوگ اس کا دامن مضبوطی سے تھام کر گمراہی اور عذاب سے بچ سکتے ہیں ، نیزیہ کتاب حکمت کے انمول خزانوں سے مالامال ہے۔لہٰذامومن کو اسی حکمت و دانش میں مشغول ہونا چاہیے اوراسے چھوڑکرفضول قسم کے قصے کہانیوں میں لگے رہنامومن کی شان نہیں ۔

Next Ayat Prev Ayat