اندر لگا دئیے تاکہ ہمارے دِل کی صَفائی کریں، یہ کاریگر صفائی تو کرتے ہیں لیکن اگر ہم دِل کے راستے بند نہیں کریں گے تو دِل کی صَفائی ہو نہیں پائے گی، لہٰذا روزہ تو رکھنا ہی رکھنا ہے، اِس کے ساتھ ساتھ دِل کے راستے بھی بند کرنے ہیں تاکہ روزے کے ذریعے سے دِل کی پوری طرح صفائی ہو سکے اور دِل میں گُنَاہوں سے نفرت پیدا ہو جائے، اب وہ دِل کے راستے کیا ہیں؟ یہ راستے وہی ہیں جن کی ہمارے آقا ومولیٰ، سَیِّد الانبیا  صلی اللہ عَلَیْہِ وَ آلِہٖ وَسَلَّم  نے حُضُور داتا گنج بخش علی ہجویری  رحمۃُ اللہ علیہ  کو خواب میں آکر نصیحت فرمائی: اِحْبِسْ حَوَاسَکَ اپنے حواس کو قید کر دو!

مَعْلُوم ہوا؛ پیٹ اور شرم گاہ کا روزہ رکھ کر روزے کا فرض تو ادا ہو جائے گا لیکن جب تک ہم اِس کے ساتھ ساتھ آنکھ، کان، زبان، ہاتھ اور پاؤں کا روزہ نہیں رکھیں گے اُس وقت تک دِل کی مکمل طور پر صَفائی نہیں ہو پائے گی، جب صَفائی نہیں ہو گی تو دِل چمک نہیں سکے گا، دِل نہ چمکا تو اِس میں گُنَاہوں سے نفرت پیدا نہیں ہو گی اور اگر گُنَاہوں سے نفرت پیدا نہ ہوئی تو تقویٰ نہیں مل پائے گا اور تقویٰ نہ مل پایا تو عید کا چاند نظر آتے ہی شیطان قید سے رہا ہو جائے گا اور گُنَاہوں کا ایسا بازار گرم کروائے گا کہ اَلْاَمَان وَالْحَفِیْظ!

آنکھ کا روزہ

لہٰذا اے عاشقانِ رسول! خالی پیٹ کا نہیں آنکھ کا بھی روزہ رکھیے! ہمارے آقا و مولیٰ، مُحَمَّدِ مصطفےٰ  صلی اللہ عَلَیْہِ وَ آلِہٖ وَسَلَّم  فرماتے ہیں: عَوْرت کے مَحاسِن (یعنی حُسْن وجمال) کی طرف دیکھنا شیطان کے زہر آلود تیروں میں سے ایک تیر ہے، جو اپنی آنکھ کو عورت سے پھیر لے اللہ پاک اُسے عبادت کی لذّت عطا فرمائے گا ، اللہ پاک کے نبی حضرت عیسیٰ علیہ