رمضان کریم  کی 5 خصوصی عبادات

پیارے اسلامی بھائیو! ویسے تو بہت ساری عبادات ہیں، جتنی ہم پر فرض ہیں، وہ تو کرنی ہی کرنی ہیں، اِس کے علاوہ نفل عبادات میں سے بھی جتنی ہو سکیں، ساری ہی کرنی چاہیئں۔ بالخصوص رمضان کریم کی 5خصوصی عبادات ہیں: (1):روزہ (2):تراویح (3):تِلاوتِ قرآن (4):شبِ قدر کی عبادت (5):اور اعتکاف۔^([1])

یہ 5عبادات تو بَس پکّی ہی تھام لیجیے! *روزہ ہے تو پُورا ماہ ہی روزے رکھنے ہیں، صرف جمعے کا رکھ لیا، جمعرات کا رکھ لیا، یہ درست نہیں ہے، سارے ہی روزے فرض ہیں، سارے ہی رکھنے ہیں، ہمارے ہاں نوجوان ایک دوسرے سے پوچھ رہے ہوتے ہیں: تمہارے کتنے روزے ہو گئے؟ اول تو یہ سُوال نہیں پوچھنا چاہیے، خوامخواہ سامنے والا ہماری وجہ سے جُھوٹ کے گُناہ میں بھی پڑ سکتا ہے۔ دوسرے نمبر پر یہ سُوال پوچھنے کی نوبَت بھی نہیں آنی چاہیے، روزہ فرض ہے، سارے ہی رکھنے ہیں۔ کتنے ہو گئے کا تو سُوال ہی نہیں بنتا *اسی طرح تروایح بھی ہر روز پڑھنی ہیں، 20 کی 20 پڑھنی ہیں، روایات کے مُطَابِق ماہِ رمضان کی راتوں میں ایک سجدہ کرنے پر 1500 نیکیاں ملتی ہیں،^([2])  20 تراویح میں 40 سجدے ہوں گے، اندازہ لگائیے! روز کی کتنی نیکیاں ہو جائیں گی، یہ صرف سجدوں کی ہیں، باقی مسجد میں اتنی دیر ٹھہرنا، قیام، قراءَت، رکوع، ذِکْر اَذْکار، وُضُو، مسلمانوں کی صُحْبت وغیرہ وغیرہ ہزاروں بلکہ لاکھوں نیکیاں صرف تراویح مکمل پڑھ کر ہی حاصِل کی جا