عیادت  سُنَّتِ مصطفےٰ ہے

2فرامینِ آخری نبی، رسولِ ہاشمی  صَلَّی اللہ عَلَیْہِ وَ آلِہٖ وَ سَلَّم     :(1): جو مریض کی عیادت کرتا ہے وہ  جَنَّت کے باغات میں بیٹھتاہے، جب وہ کھڑا ہوتاہے تو 70 ہزار فرشتے رات تک اس کے لئے دعا کرتے ہیں۔^([1]) (2):جو ثواب کی اُمِّید پر اپنے مسلمان بھائی کی عیادت کرے، اسے جہنم سے 70 سال کے فاصلے تک دُور کر دیا جائے گا۔^([2])

اے عاشقانِ رسول! مریض کی عیادت کرنا سُنّتِ مصطفےٰ بلکہ سُنتِ انبیا ہے * نبیوں کے نبی رسولِ ہاشمی  صَلَّی اللہ عَلَیْہِ وَ آلِہٖ وَ سَلَّم     کی عادتِ کریمہ تھی کہ کسی بھی صحابی( رَضِیَ اللہ عنہ ) کے بیمار ہونے کی اطلاع ملتی تو آپ  صَلَّی اللہ عَلَیْہِ وَ آلِہٖ وَ سَلَّم     اس کی عیادت کے لئے تشریف لے جاتے * اگر کوئی شخص 3دن مسجد سے غائب رہتا تو آپ اس کے مُتَعَلِّق  لوگوں سے پوچھا کرتے، اگر وہ بیمار ہوتا تو اس کی عیادت فرماتے^([3]) * اور عِیَادت کے لیے اگر مدینۂ شریف کے آخری کنارے تک بھی جانا پڑتا تو تشریف لے جاتے اور اپنے صحابہ( رَضِیَ اللہ عنہم ) کی عیادت فرماتے۔^([4]) * مشہور مفسرِ قرآن، مفتی احمد یار خان نعیمی   رحمۃُ اللہ علیہ   فرماتے  ہیں: حضور  صَلَّی اللہ عَلَیْہِ وَ آلِہٖ وَ سَلَّم     کے اخلاقِ کریمہ میں سے ہے کہ آپ  صَلَّی اللہ عَلَیْہِ وَ آلِہٖ وَ سَلَّم     ہر امیر وغریب کے گھر بیمار پرسی کے  لئے تشریف لے جاتے۔^([5])  *حضور  صَلَّی اللہ عَلَیْہِ وَ آلِہٖ وَ سَلَّم     کی عادتِ کریمہ یہ تھی کہ جب کسی مریض کی عِیادت کو تشریف لے جاتے تو یہ فرماتے: لَا