هن حديث پاڪ جي شرح ۾ مشهور مفسر قرآن مفتي احمد يار خان نعيمي رَحْمَةُ الـلّٰـهِ عَـلَيْه       فرمائن ٿا: يعني روزانو فرشتن جي زبان مان سخي جي حق ۾ ۽ ڪنجوس جي خلاف دعا نڪرندي آهي، جيڪا يقيناً قبول آهي.^([1])

صدقو ڪرڻ جون فضيلتون ۽ ثواب

پيارا اسلامي ڀائرو! اسان کي دين جي مالي خدمت ضرور ڪرڻ گهرجي: * صدقو ۽ خيرات ڪرڻ اسان جي پياري آقا، مڪي مدني مصطفىٰ صَلَّی اللہُ عَلَیْہِ وَ آلِہٖ وَ سَلَّم جي عظيم سنت آهي، پاڻ صَلَّی اللہُ عَلَیْہِ وَ آلِہٖ وَ سَلَّم جي جُود ۽ سخا واري در تان ڪو به سوالي خالي هٿين واپس نه ويندو هو.^([2])  * صدقو گناهن کي ائين مٽائيندو آهي، جيئن پاڻي باهه کي وِسائيندو آهي. ^([3]) * صدقو جهنم جي باهه کان بچائيندو آهي، حديث پاڪ ۾ آهي ته جيڪو الله پاڪ جي رضا جي خاطر صدقو ڪندو آهي ته اهو صدقو ان جي ۽ باهه جي وچ ۾ پردو بڻجي ويندو آهي. ^([4])* صدقو الله پاڪ جي غضب کي ختم ڪندو آهي ۽ بُري موت کي دفع (يعني پري) ڪندو آهي.^([5]) *  فرمانِ مصطفىٰ صَلَّی اللہُ عَلَیْہِ وَ آلِہٖ وَ سَلَّم صدقو ڏيڻ ۾ جلدي ڪندا ڪريو ڇاڪاڻ ته بلا صدقي کي نه اورانگهيندي آهي.^([6]) * صدقو ڏيڻ وارو قيامت جي ڏينهن پنهنجي صدقي جي ڇانوَ ۾ هوندو. ^([7]) * صدقو بُرائيءَ جا 70 دروازا بند ڪندو آهي. ^([8])  * صدقو قبر جي گرميءَ کان بچائيندو آهي. ^([9]) * مسلمان جو صدقو سندس عمر وڌائيندو آهي.^([10])  * الله پاڪ صدقي جي